Sumarstarf - Fulltrúi í Þjónustumiðstöð

Sjúkratryggingar Íslands auglýsa sumarstarf. Um er að ræða fjölbreytt starf sem hentar fjölhæfum starfsmanni sem getur stigið inn í ólík verkefni sem leysa þarf innan stofnunarinnar. Verkefnin geta verið allt frá þjónustu og upplýsingagjöf í síma og þjónustuveri, til bakvinnslu við gagnaskráningar í kerfi stofnunarinnar.

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna.

• Almenn afgreiðsla og upplýsingagjöf til einstaklinga og veitenda heilbrigðisþjónustu

• Verkefni tengd þjónustu við viðskiptavini og starfsemi innan SÍ

• Önnur tilfallandi verkefni

• Reynsla af samskiptum og þjónustu við einstaklinga kostur

• Góð almenn tölvukunnátta

• Gott vald á íslenskri tungu

• Góð enskukunnátta æskileg

• Önnur tungumálakunnátta er kostur

• Jákvætt viðmót, lipurð í samskiptum og rík þjónustulund

• Frumkvæði, áhugi og vönduð vinnubrögð

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn þarf að fylgja ferilskrá og kynningarbréf þar sem gerð er grein fyrir hæfni umsækjanda sem nýtist í starfi er kostur. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.