Starf á fjármálasviði

Hafrannsóknastofnun leitar að metnaðarfullum einstaklingi í fullt starf á fjármálasviði stofnunarinnar. Um er að ræða fjölbreytt ábyrgðarstarf fyrir einstakling sem er nákvæmur, lipur í mannlegum samskiptum, hefur vilja og hæfni til að starfa í teymi, tilbúinn að tileinka sér nýjungar og hefur metnað til að ná góðum árangri.

• Færsla bókhalds, afstemmingar og uppgjör fyrir stofnunina.

• Uppgjör og skil virðisauka.

• Ábyrgð á yfirsýn yfir kostnaðarskýrslukerfi.

• Skil launatengdra gjalda til skattyfirvalda.

• Umsjón með ferðakerfi; yfirferð yfir ferðabeiðnir, gerð ferðauppgjöra og bókun ferðakostnaðar.

• Taka þátt í þróa verklag í verkefnum sviðsins í samræmi við lög og önnur sett viðmið sem í gildi eru hverju sinni.

• Taka þátt í mánaðarlegri útgáfu fjárhagsupplýsinga fyrir haghafa í samstarfi við aðra starfsmenn og stjórnendur.

• Miðlun upplýsinga og fræðsla til starfsfólk.

• Þátttaka í gerð og þróun á mælaborði fyrir stjórnendur og starfsmenn.

• Þátttaka í gerð árshlutauppgjöra og ársreiknings.

• Þátttaka í stefnumótunar- og umbótastarfi.

• Önnur verkefni sem til falla eftir atvikum.

• Góð almenn menntun eða haldbær reynsla sem nýtist í starfi, háskólapróf eða viðurkenndur bókari er kostur.

• Lágmark 4 ára starfsreynsla sem nýtist í starfi

• Jákvætt viðmót, samstarfsvilji og lausnamiðuð nálgun.

• Ríkir samskiptahæfileikar, þjónustulund og hæfni til að vinna í teymi.

• Gagnrýnin hugsun, greiningarhæfni og sjálfstæði í vinnubrögðum.

• Marktæk reynsla af vinnu við fjárhagskerfi, Excel og almenn góð stafræn hæfni.

• Þekking og reynsla á notkun fjárhagskerfa ríkisins (Orri) er kostur.

• Góð íslensku og enskukunnátta í töluðu og rituðu máli.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Í boði er frábært tækifæri fyrir einstakling sem vill

• Vera hluti af samheldnu teymi sem hefur metnað til skara fram úr á sínu sviði.

• Umhverfi sem hvetur til frumkvæðis, umbóta og nýsköpunar með umboð og stuðning til að ná árangri í starfi.

Umsókninni skal fylgja:

• Ítarleg ferilskrá að hámarki 2 bls

• Afrit af prófskírteinum

• Kynningarbréf þar sem fram kemur bakgrunnur umsækjenda og ástæða þess að sótt er um starfið.

• Nöfn tveggja meðmælenda ásamt samskiptaupplýsingum þeirra

Athugið:

• Ófullnægjandi umsóknir eru ekki teknar til greina.

• Hafrannsóknarstofnun áskilur sér rétt til að hafna öllum umsóknum.

• Umsókn getur gilt í sex mánuði eftir að umsóknarfresti lýkur.

• Öllum umsóknum verður svarað þegar ákvörðun um ráðningu liggur fyrir.

• Gerð er krafa um að umsækjendur hafi hreint sakavottorð og ökuréttindi.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor