Framkvæmdastjóri hjúkrunar á Heilbrigðisstofnun Suðurnesja

Heilbrigðisstofnun Suðurnesja auglýsir laust til umsóknar starf framkvæmdastjóra hjúkrunar. Leitað er eftir öflugum og framsýnum leiðtoga sem hefur heildstæða sýn á mikilvægi hjúkrunar og metnað til að leiða faglega framþróun hjúkrunar í samstarfi við forstjóra. Framkvæmdastjóri hjúkrunar heyrir undir forstjóra og er í framkvæmdastjórn spítalans. Um er að ræða krefjandi og fjölbreytt starf þar sem áhersla er lögð á faglega forystu í hjúkrun sem og daglegan rekstur.

• Leiða faglegt starf í samræmi við stefnu HSS til ársins 2030

• Leiðandi í eflingu mannauðs hjúkrunarfræðinga, ljósmæðra, sjúkraliða og annarra heilbrigðisstétta

• Leiðandi í eflingu öryggismenningar, gæðum þjónustu og stöðugum umbótum innan hjúkrunar

• Þróun og innleiðing gæðaviðmiða í hjúkrun

• Innleiða nýjungar og breytingar sem stuðla að framþróun starfsemi HSS

• Samvinna við aðra stjórnendur og heilbrigðisstéttir

• Ábyrgð á rekstri, áætlanagerð og eftirfylgni í samvinnu við framkvæmdastjórn

• Háskólamenntun í hjúkrunarfræði og gilt hjúkrunarleyfi

• Framhaldsmenntun sem nýtist í starfi

• Farsæl stjórnunar- og rekstrarreynsla innan heilbrigðisþjónustu

• Hæfni til að móta jákvætt vinnuumhverfi og byggja sterka liðsheild

• Framúrskarandi leiðtoga- og samskiptahæfileikar

• Frumkvæði og stefnumótandi hugsun

• Frumkvæði og metnaður til að ná árangri

• Góð íslenska í ræðu og riti er skilyrði

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsækjendur eru beðnir að skila ítarlegri náms- og starfsferilskrá, afriti af prófskírteinum og starfsleyfi ásamt kynningarbréfi, er innihalda framtíðarsýn umsækjanda og rökstuðning fyrir hæfni til að gegna stöðunni.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Forstjóri tekur ákvörðun um ráðningu í starfið. HSS er öflugur vinnustaður þar sem starfa um 400 manns. Hlutverk HSS er að auka heilbrigði íbúa á Suðurnesjum og framtíðarsýnin er að vera heilbrigðisstofnun til fyrirmyndar.

Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið.

Umsóknir geta gilt í 6 mánuði frá því að umsóknarfrestur rennur út,sbr. 2. gr. reglna nr. 464/1996, um auglýsingar á lausum störfum með síðari breytingum.