Sérhæfður starfsmaður á brjóstamiðstöð

Við leitum að metnaðarfullum samstarfsmanni til að sinna sérhæfðum þjónustustörfum á göngudeild Brjóstamiðstöðvar.

Ef þú ert með áhuga á að vinna náið með skjólstæðingum okkar, ert þjónustulipur og með góða skipulags- og samskiptahæfni þá gæti þetta hentað þér.

Í boði er einstaklingsaðlögun undir leiðsögn reynds starfsfólks og gott starfsumhverfi. Starfshlutfall er 80-100%, unnið er í dagvinnu og er upphaf starfs 1. júní 2026 eða eftir samkomulagi.

Á Brjóstamiðstöð fer fram öflug starfsemi og starfar þar öflugt teymi sérfræðinga frá mörgum sérgreinum og fagstéttum. Þjónustan er í stöðugri þróun þar sem mikil áhersla er lögð á þjónustumiðaða nálgun og tæknivæðingu eininga innan Brjóstamiðstöðvar.

Við leggjum mikla áherslu á teymisvinnu og uppbyggingu mannauðs með það í huga að byggja upp skemmtilegan vinnustað með möguleika á að taka þátt í daglegri umbótavinnu samhliða hefðbundnum störfum. Lögð er rík áhersla á jákvæðni, fagmennsku og virðingu gagnvart skjólstæðingum og samstarfsfólki.

Vinnustaðurinn og staðsetningin er heldur ekki af verri endanum. Brjóstamiðstöð er staðsett á 3. og 4. hæð við Eiríksgötu 5, í hjarta Reykjavíkur þar sem útsýnið fangar mann á hverjum degi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Lífsmarkamælingar og skráning

• Umsjón með lager deildar og áfyllingar

• Aðstoð í símaþjónustu deildar

• Upplýsingagjöf og samskipti við sjúklinga, starfsfólk og stofnanir

• Önnur verkefni í samráði við yfirmann

• Framhaldsskólapróf

• Jákvætt viðmót, þjónustulipurð og samskiptahæfni

• Skipulögð og nákvæm vinnubrögð

• Hæfni og geta til að starfa í teymi

• Góð íslensku- og enskukunnátta

• Stundvísi og áreiðanleiki

• Reynsla af umönnunarstörfum er kostur

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, skrifstofumaður, heilbrigðisritari, skrifstofustörf, móttaka

Tungumálahæfni: íslenska 4/5, enska 3/5

Staðsetning: Eiríksgata 5, 101 Reykjavík