Löglærður fulltrúi

Staða löglærðs fulltrúa við sýslumannsembættið á Norðurlandi vestra er laus til umsóknar. Starfsstöð er á Sauðárkróki. Um er að ræða ótímabundna ráðningu með 9 mánaða reynslutíma. Æskilegt er að umsækjendur geti hafið störf þann 1. júní nk. eða því sem næst.

Aðallega er um að ræða verkefni á sviði dánarbúa, leyfisveitinga og þinglýsinga, auk annarra tilfallandi verkefna á starfssviði embættisins. Starfið felst í afgreiðslu mála á tilgreindum sviðum, þátttöku í skipulagningu og aðlögun verkefna, móttöku viðskiptavina og daglegum leiðbeiningum vegna lögfræðisviðs, leiðsögn til starfsmanna, o.fl. Í boði er áhugavert og fjölbreytt starf innan stofnunar í stöðugri þróun. Starfið krefst ríklegrar samstarfshæfni og getu til að sýna frumkvæði og sjálfstæði í starfi.

• Embættis- eða bakkalár- og meistarapróf í lögfræði, auk annarra skilyrða 2. mgr. 3. gr. sbr. 2. ml. 2. mgr. 5. gr. l. nr. 50/2014

• Geta til að vinna sjálfstætt og sýna frumkvæði í starfi er skilyrði

• Framúrskarandi hæfni í mannlegum samskiptum, jákvætt viðmót og samvinnufærni er skilyrði

• Starfsreynsla sem nýtist í starfi er kostur

• Þekking á verkefnum sýslumanna og opinberri stjórnsýslu er kostur

• Nákvæmni og ögun í vinnubrögðum

• Mjög góð tölvukunnátta

• Mjög gott vald á íslensku og ensku og færni til að tjá sig í ræðu og riti

• Almenn ökuréttindi

Við leitum að áreiðanlegum starfsmanni til liðs við lögfræðisvið embættisins. Horft verður til þess að umsækjandi falli sem best að þörfum starfsstöðvarinnar og embættisins í heild.

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Sýslumaðurinn á Norðurlandi vestra er framsækin stjórnsýslu- og þjónustustofnun sem fer með framkvæmdarvald ríkisins innan umdæmis síns auk þess að sinna umfangsmiklum innheimtuverkefnum á landsvísu.

Umsókn um starfið skal fylgja afrit prófskírteina, ítarleg starfsferilsskrá og kynningarbréf. Í umsóknargögnum skal gerð grein fyrir ástæðum umsóknar og rökstuðningi fyrir hæfni viðkomandi í starfið ásamt upplýsingum um meðmælendur, auk annarra atriða sem máli kunna að skipta. Laun eru samkvæmt kjarasamningi fjármálaráðherra f.h. ríkissjóðs og viðkomandi stéttarfélags.

Nýlega útskrifaðir jafnt sem reynslumiklir lögfræðingar eru hvattir til að sækja um. Við ráðningu verður tekið mið af jafnréttisáætlun embættisins og verður öllum umsóknum svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins.