Stjórnandi á svið Mannvirkja og markaðseftirlits

Vilt þú starfa sem stjórnandi á nútímalegum vinnustað sem ber ábyrgð á fjölbreyttum málaflokkum?

Við óskum eftir metnaðarfullum stjórnanda á svið Mannvirkja og markaðseftirlits til að leiða teymi markaðseftirlits.

Hlutverk teymisins er að hafa virkt eftirlit með ýmsum vöruflokkum á markaði með tilliti til lögbundinna krafna, þar með talið öryggis, visthönnun orkutengdra vara og orkumerkinga. Teymið sinnir einnig eftirliti með löggildingum voga og loks fellur rekstur Vöruvaktarinnar (voruvaktin.is) undir teymið. Markmið teymisins er að tryggja neytendavernd þegar kemur að vörum á markaði.

Óskað er eftir einstaklingi sem þrífst vel í árangursdrifnu umhverfi þar sem lögð er áhersla á skýr samskipti, skilvirka stjórnsýslu og góða þjónustu.

• Daglegur stjórnandi teymis

• Ábyrgð á verkefnum teymis og árangursmælikvörðum

• Stuðla að góðum samskiptum og samstarfi innan HMS og við hagaðila

• Sinna fræðslu- og kynningarstarfi um markaðseftirlit

• Háskólamenntun sem nýtist í starfi, t.d. á sviði lögfræði

• Árangursrík og farsæl reynsla af stjórnun

• Þekking og reynsla af starfi innan opinberrar stjórnsýslu er kostur

• Þekking og/eða reynsla af markaðseftirliti er kostur

• Leiðtogahæfileikar og færni til að stýra verkefnum

• Góð greiningarfærni og hæfni til að setja sig inn í flókin sérfræðileg verkefni

• Mikið frumkvæði, sjálfstæði og metnaður til að ná árangri í starfi

• Góð samskipta- og samstarfshæfni ásamt jákvæðu og lausnamiðuðu viðhorfi

• Mjög gott vald á íslensku og ensku í ræðu og riti

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða fullt starf og æskilegt er að umsækjandi geti hafið störf sem fyrst.

Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Umsóknir geta gilt í sex mánuði frá því að umsóknarfrestur rennur út.

Laun eru samkvæmt gildandi kjarasamningum.

HMS hvetur öll áhugasöm til að sækja um starfið.

Sótt erum starfið á heimasíðu HMS Vinnustaðurinn | Húsnæðis- mannvirkja- og skipulagsstofnun