Fjölbrautaskólinn við Ármúla auglýsir eftir kennara í stærðfræði

Laus er til umsóknar staða framhaldsskólakennara í stærðfræði við Fjölbrautaskólann við Ármúla, frá og með hausti 2026. Um er að ræða afleysingu til eins árs með möguleika á framlengingu.

Kennari í stærðfræði kennir og undirbýr kennslu, hefur faglegt samstarf og metur nám í kennslugrein sinni samkvæmt markmiðum aðal- og skólanámskrár, gerir námsáætlun, viðheldur faglegri hæfni sinni og hugar að tengslum við aðrar námsgreinar. Tekur þátt í samráði vegna starfs síns, ber ábyrgð á almennri upplýsingagjöf, situr kennarafundi og vinnur önnur störf sem honum eru falin og samrýmast gildandi kjarasamningum, lögum og reglugerðum.

Æskilegt er að umsækjendur hafi lokið að lágmarki 180 ECTS einingum í stærðfræði. Óskað er eftir því að umsækjendur hafi góða þekkingu og reynslu af notkun upplýsingatækni í starfi, hæfni til að vinna sjálfstætt, hafi mikla samskipta- og skipulagshæfni og áhuga á kennslu og störfum með ungu fólki. Reynsla af kennslu í framhaldsskóla er kostur svo og ef umsækjandi gæti einnig kennt almennar raungreinar. Umsækjendur þurfa að hafa lokið námi til kennsluréttinda og öðlast leyfi til að nota starfsheitið kennari.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Í umsókn þurfa að koma fram upplýsingar um menntun (staðfest afrit af prófskírteinum), afrit af leyfisbréfi til að nota starfsheitið kennari, upplýsingar um fyrri störf og meðmælendur. Kynningarbréf er æskilegt.

Vakin er athygli umsækjenda á að áður en að ráðningu kemur þarf að liggja fyrir hreint sakavottorð.

Í samræmi við jafnréttisáætlun skólans er fólk af öllum kynjum hvatt til að sækja um starfið.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði frá því að umsóknarfresti lýkur.

Á heimasíðunni http://www.fa.is er að finna helstu upplýsingar um skólann og starfsemi hans