Sérfræðilæknir við Líknarmiðstöð

Laust er til umsóknar starf sérfræðilæknis við Líknarmiðstöð Landspítala í Kópavogi. Um er að ræða rannsóknar- og þróunarstarf innan líknarþjónustunnar sem felur í sér eflingu rannsókna og gæðastarfs í líknarlækningum, þróun og fræðslu á sviði líknarlækninga, sem og uppbyggingu gagnagrunns um líknar- og lífslokameðferð.

Starfshlutfall er 40% og er upphaf starfa 1. júní 2026 eða eftir samkomulagi.

Líknarmiðstöð heyrir undir krabbameinsþjónustu Landspítala. Um er að ræða þekkingarsetur þar sem helstu verkefni snúa að faglegri framþróun líknarmeðferðar, fræðslu og þjálfun, framþróun fagsins, gæðastarfi og rannsóknum. Náið samstarf er við klínískar einingar líknarþjónustunnar á Landspítala; Líknardeild í Kópavogi, ráðgefandi líknarteymi Landspítala og sérhæfða líknarheimaþjónustu HERU.

• Vinna að uppbyggingu gagnagrunns um líknar- og lífslokameðferð

• Umsjón og ráðgjöf tengt rannsóknum innan líknarlækninga

• Þátttaka í kennslu og fræðslu

• Þróun og gæðastarf innan líknarlækninga/líknarmeðferðar

• Íslenskt sérfræðileyfi

• Reynsla á sviði líknarlækninga

• Reynsla í kennslu og vísindavinnu

• Þekking á uppbyggingu læknisfræðilegra gagnagrunna æskileg

• Jákvætt viðmót og hæfni í mannlegum samskiptum

• Hæfni og geta til að vinna í teymi

• Fagleg vinnubrögð

• Íslenskukunnátta æskileg

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Allar umsóknir þurfa að fara í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum

• Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed

• Kynningarbréf með rökstuðningi fyrir hæfni og sýn á starfið

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sérfræðilæknir, vísindi, rannsóknir

Staðsetning: Líknardeild, 200 Kópavogi