Enskukennari við Menntaskólann við Hamrahlíð

Menntaskólinn við Hamrahlíð óskar eftir að ráða enskukennara skólaárið 2026 - 2027. Menntaskólinn við Hamrahlíð er framhaldsskóli sem byggir á áfangakerfi. Boðið er upp á nám til stúdentsprófs á bóknámsbrautum og alþjóðlegri námsbraut, IB-braut, auk náms á fjölnámsbraut. Rúmlega 100 starfsmenn starfa við skólann og nemendur eru rúmlega 1000.

Kennsla í enskuáföngum skólans. Kennarinn ber ábyrgð á kennslu, undirbúningi og námsmati í viðkomandi námsgrein og tekur þátt í faglegu samstarfi kennara og starfsfólks við skólann.

Umsækjendur skulu hafa réttindi til að nota starfsheitið kennari (vera með leyfisbréf sem kennari) og hafa háskólapróf í ensku.

Aðrar hæfniskröfur

• Uppfylla kröfur um menntun og hæfni samkvæmt lögum nr. 95/2019

• Búa yfir faglegum metnaði, frumkvæði, öguðum vinnubrögðum og jákvæðu hugarfari.

• Búa yfir samskiptafærni og hæfni til að starfa með öðrum sem og að vinna sjálfstætt.

• Mjög góð tölvukunnátta og þekking á upplýsingatækni, m.a. kunnátta og þekking á kennslukerfinu Innu og Office365.

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsóknum skal skilað í gegnum Starfatorg, starfatorg.is. Náms- og starfsferilsskrá skal fylgja innsendri umsókn ásamt þeim gögnum sem umsækjendur telja skipta máli í ráðningarferlinu, t.d. prófskírteinum og leyfisbréfi. Innsend gögn verða lögð til grundvallar ráðningu í starfið. Í samræmi við jafnréttisáætlun skólans er fólk af öllum kynjum hvatt til að sækja um starfið.