Hjúkrunarfræðingur á legudeild minnisraskana á Landakoti

Hjúkrunarfræðingur óskast til starfa á legudeild minnisraskana. Við sækjumst eftir hjúkrunarfræðingi sem hefur áhuga á öldrunarhjúkrun, umbótastarfi og þverfaglegu samstarfi. Starfið hentar vel þeim sem vilja vaxa í starfi, þróa faglega sýn í hlýlegu starfsumhverfi.

Legudeild minnisraskana L4 á Landakoti er sérhæfð meðferðar- og endurhæfingadeild opin sjö daga vikunnar. Starfsemin miðar að þjónustu við sjúklinga með heilabilunarsjúkdóma. Meginmarkmiðið er að auka lífsgæði með því að skapa öryggi og veita umhyggju í rólegu umhverfi þar sem þjónusta við sjúklinga og fjölskyldu byggir á þekkingu og framþróun.

Meðferðin miðar að því að auka hæfni einstaklings til að takast á við breyttar aðstæður og viðhalda vitrænni og líkamlegri færni. Í samvinnu við einstaklinga og aðstandendur er leitað lausna sem hæfa hverjum og einum.

Góður starfsandi er ríkjandi á deildinni og tækifæri eru til að vaxa í starfi. Við tökum vel á móti nýju samstarfsfólki og veitum góða aðlögun. Starfið er laust 1. maí 2026 eða samkvæmt nánara samkomulagi. Unnið er á þrískiptum vöktum og er starfshlutfall 80-100% eða samkvæmt nánara samkomulagi.

Áhugasömum er velkomið að hafa samband við Hjördísi Halldóru, deildarstjóra.

• Skráning hjúkrunar í samræmi við reglur Landspítala

• Hjúkrun, ráðgjöf og stuðningur til sjúklinga og aðstandenda

• Þátttaka í þverfaglegri teymisvinnu

• Íslenskt hjúkrunarleyfi

• Faglegur metnaður

• Jákvætt viðmót og góðir samskiptahæfileikar

• Frumkvæði og sjálfstæði í vinnubrögðum

• Hæfni og geta til að starfa í teymi

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Staðsetning: Túngata, 101 Reykjavík