Hjúkrunarfræðingar á legudeildir réttar- og öryggisgeðþjónustu

Hefur þig ekki alltaf langað til að vinna á geðdeild?

Hjúkrunarfræðingar óskast til starfa á legudeildir réttar- og öryggisgeðþjónustu Landspítala við Klepp.

Réttar- og öryggisgeðþjónusta Landspítala auglýsir laus til umsóknar störf hjúkrunarfræðinga á legudeildum þjónustunnar. Störfin eru nú þegar laus og er starfshlutfall samkvæmt samkomulagi.

Réttargeðdeild og öryggisgeðdeild eru sérhæfðar átta rúma geðdeildir sem annast meðferð einstaklinga með alvarlega og flókna geðræna sjúkdóma. Meðferðarnálgunin er fjölþætt og er háð þörfum og getu hvers og eins en meginmarkmið meðferða er ávallt endurhæfing sjúklinga. Öryggisgeðdeildin flytur nú á vordögum í nýtt húsnæði á Kleppi.

Að undanförnu hefur mikið umbótastarf átt sér stað á deildunum og er starfið í stöðugri þróun til að mæta breyttum aðstæðum, þörfum og væntingum sjúklinga og aðstandenda. Lögð er sérstök áhersla á góða þjónustu við sjúklinga og aðstandendur, öryggi sjúklinga og starfsfólks og faglega uppbyggingu meðferðarstarfs.

Boðið verður upp á einstaklingshæfða aðlögun undir leiðsögn reyndra hjúkrunarfræðinga. Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala.

• Ákveða, skipuleggja og veita hjúkrunarmeðferð í samráði við sjúklinga og bera ábyrgð á meðferð samkvæmt starfslýsingu

• Skráning hjúkrunar í samræmi við reglur Landspítala

• Þátttaka í þverfaglegri teymisvinnu

• Virk þátttaka í verkefnavinnu, teymis- og umbótastarfi

• Íslenskt hjúkrunarleyfi

• Sérnám og/eða reynsla af geðhjúkrun er kostur

• Áhugi á hjúkrun fólks með alvarleg geðræn einkenni, starfsreynsla í Geðþjónustu Landspítala er kostur

• Framúrskarandi samskiptahæfni, sveigjanleiki og sjálfstæði í vinnubrögðum

• Frumkvæði og faglegur metnaður

• Áhugi á þverfaglegu samstarfi og teymisvinnu

• Góð almenn tölvukunnátta

• Góð íslenskukunnátta, bæði í mæltu og rituðu máli

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Hjúkrun

Tungumálahæfni: íslenska 4/5

Staðsetning: Kleppsgarður, 104 Reykjavík