Sérfræðilæknir í barnalækningum - heilbrigðisþjónusta við börn sem hafa orðið fyrir ofbeldi og áföllum

Laust er til umsóknar starf sérfræðilæknis í barnalækningum á bráðamóttöku barna við Barnaspítala Hringsins. Auk starfa á bráðamóttöku barna er meginverkefni starfsins þátttaka í uppbyggingu og þróun nýrrar ofbeldis- og áfallamóttöku barna, sem falið er að skipuleggja og veita heilbrigðisþjónustu við börn sem þarfnast sérhæfðrar, samfelldrar og áfallamiðaðrar þjónustu.

Starfið felur í sér einstakt tækifæri til að hafa áhrif á mótun og uppbyggingu nýrrar þjónustu og hentar sérfræðingi sem vill vinna í nánu samstarfi við fjölbreyttan hóp hagaðila og hafa raunveruleg áhrif á velferð barna til framtíðar.

Fagaðilum sem ráða sig til þjónustu í nýju teymi býðst markviss þjálfun og fræðsla, hérlendis sem erlendis. Aðal starfsstöð verður á bráðamóttöku Barnaspítala Hringsins og unnið verður í nánu samstarfi við þverfaglegt teymi fagfólks.

Starfshlutfall er 50% og er upphaf starfa samkomulagsatriði en æskilegt að viðkomandi geti hafið störf ekki seinna en 1. sept. 2026. Um er að ræða tímabundna ráðningu til eins árs.

Á Barnaspítalanum er veitt sérhæfð fjölskyldumiðuð heilbrigðisþjónusta fyrir börn og unglinga að 18 ára aldri. Í allri þjónustu er áhersla lögð á að greina þarfir og auka vellíðan skjólstæðinganna, með gildi Landspítala um umhyggju, fagmennsku, öryggi og framþróun að leiðarljósi. Samskipti sem byggja á virðingu og stuðningi við börnin og fjölskyldur þeirra er mikilvægur þáttur í starfsemi Barnaspítalans.

• Sérfræðistörf í samráði við viðkomandi yfirlækni

• Þátttaka í almennu starfi barnalækna á Barnaspítala Hringsins með höfuðáherslu á bráðamóttöku barna

• Þátttaka á vöktum eftir samkomulagi

• Virk þátttaka í þverfaglegu teymi

• Skipulagning og þróun þjónustu á stefnumótandi grunni

• Gæða- og umbótastarf á þverfaglegum grundvelli

• Skipulag og þróun umbótaverkefna og verkferla

• Þátttaka í kennslu og vísindavinnu sem og önnur sérverkefni, umsjónarstörf eða eftirlitsverkefni í samráði við yfirlækni og prófessora

• Íslenskt sérfræðileyfi í barnalækningum

• Jákvætt viðmót og mjög góð hæfni í mannlegum samskiptum

• Reynsla af þverfaglegri teymisvinnu

• Frumkvæði og metnaður til að ná árangri

• Reynsla af kennslu og vísindastörfum

• Mjög góð íslensku- og enskukunnátta

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, vísindavinnu og stjórnunarstörfum

• Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed

• Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvisa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir

Tungumálahæfni: íslenska 5/5, enska 5/5

Staðsetning: Hringbraut, 101 Reykjavík