Aðstoðardeildarstjóri hjúkrunar á bráðalegudeild lyndisraskana

Við leitum eftir skipulögðum hjúkrunarfræðingi sem hefur áhuga á geðhjúkrun og stjórnun, teymisvinnu og umbótastarfi á líflegri deild þar sem enginn dagur er eins.

Bráðalegudeild lyndisraskana er 17 rúma legudeild sem sinnir móttöku, greiningu og meðferð sjúklinga með alvarlegar og bráðar geðraskanir. Deildin sérhæfir sig m.a. í meðferð sjúklinga með átraskanir og í greiningu og meðferð á konum með alvarlegar geðraskanir og/ eða ef grunur leikur á tengslaröskun á meðgöngu og eftir fæðingu. Starfsemi deildarinnar er í mikilli þróun og umbótastarf er mikið. Unnið er að eflingu þverfaglegrar teymisvinnu.

Á deildinni er mjög góður starfsandi, frábært samstarfsfólk og tækifæri til að þróa faglega sérþekkingu og hæfni í geðhjúkrun. Ráðið verður í starfið frá 1. maí 2026 eða eftir samkomulagi.

• Er leiðandi í klínísku starfi, framþróun hjúkrunar og öðru umbótastarfi sem stuðlar að bættri þjónustu og framþróun í hjúkrun

• Virk þátttaka í teymisvinnu

• Ber ábyrgð á starfsemi, mönnun og rekstri deildar í fjarveru og í samráði við deildarstjóra

• Ber ábyrgð á daglegri skipulagningu og framkvæmd hjúkrunar í samráði við deildarstjóra

• Ber ábyrgð á öðrum verkefnum sem deildarstjóri felur honum

• Stuðlar að hvetjandi og jákvæðu starfsumhverfi og stöðugri liðsheild

• Íslenskt hjúkrunarleyfi

• Framhaldsmenntun sem nýtist í starfi er kostur

• Áhugi og reynsla af þverfaglegu samstarfi, teymisvinnu og umbótastarfi

• Jákvætt viðmót og mjög góð hæfni í samskiptum

• Reynsla af bráðageðhjúkrun

• Reynsla af stjórnun og/ eða forystu er kostur

• Reynsla af starfi í geðþjónustu Landspítala er kostur

• Skipulögð, vönduð og öguð vinnubrögð

• Mikil aðlögunarfærni og geta til að starfa í fjölbreyttu og álagsmiklu umhverfi

• Frumkvæði og sjálfstæði

• Mjög góð kunnátta í íslensku

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri hjúkrun, hjúkrun, stjórnun

Tungumálahæfni: íslenska 4/5,

Staðsetning: Hringbraut, 101 Reykjavík