Lektor í íslensku sem öðru máli

Laust er til umsóknar fullt starf lektors í íslensku sem öðru máli við Íslensku- og menningardeild á Hugvísindasviði Háskóla Íslands.

Samkvæmt reglum Háskóla Íslands skiptast starfsskyldur kennara í þrjá meginþætti: rannsóknir, kennslu og stjórnun.

• Kennsla og umsjón með námskeiðum í íslensku sem öðru máli

• Rannsóknir á sviði íslensku sem annars máls og/eða annarsmálsfræða og miðlun þeirra

• Leiðbeining nemenda við gerð lokaverkefna

• Þátttaka í þróun kennsluhátta og uppbyggingu námsbrautarinnar

• Stjórnunarstörf innan deildar og fræðasviðs, þar á meðal seta í nefndum

• Þátttaka í þróun þverfræðilegs samstarfs um kennslu og rannsóknir

• Doktorspróf á sviði íslenskra málvísinda og/eða annarsmálsfræða

• Virkni í rannsóknum á íslensku sem öðru máli

• Nám í kennslufræðum er kostur

• Reynsla af kennslu íslensku sem annars máls

• Reynsla af kennslu á háskólastigi er kostur

• Reynsla af leiðbeiningu nemenda á háskólastigi er kostur

• Reynsla af stjórnun er kostur

• Góð íslenskukunnátta, í ræðu og riti

• Góð samstarfshæfni og lipurð í mannlegum samskiptum, áreiðanleiki, frumkvæði og sjálfstæði í störfum

Við ráðningu verður horft til þess að sá sem starfið hlýtur falli sem best að aðstæðum og þörfum deildar og sviðs.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf þann 1. júlí 2026 eða eftir að þær nefndir sem um málið fjalla hafa lokið störfum.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni:

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins.

Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt á 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir