Hjúkrunarfræðingar - Göngudeild hjartagáttar

Viltu taka þátt í að móta og efla þjónustu fyrir hjartasjúklinga á göngudeild hjartagáttar?

Göngudeild hjartagáttar við Hringbraut leitar að reyndum og áhugasömum hjúkrunarfræðingum sem vilja taka þátt í að þróa og efla sérhæfða göngudeild innan hjartaþjónustu Landspítala.

Um er að ræða uppbyggingu og áframhaldandi þróun á þjónustu fyrir sjúklinga með hjartasjúkdóma svo sem kransæðasjúkdóm, hjartabilun, arfgenga hjartasjúkdóma og meðfædda hjartagalla. Jafnframt felst í starfinu að styrkja og þróa þjónustu við krabbameinssjúklinga sem eru í aukinni áhættu á fylgikvillum tengdum hjarta- og æðakerfi.

Starfið býður upp á einstakt tækifæri til að efla faglega þekkingu á sérhæfðu sviði og leggja mikilvægt framlag til heilbrigðisþjónustu við fjölskyldur og einstaklinga.

Ráðning hefst 1. júní eða eftir samkomulagi og er starfshlutfall 80-100%/ (umsemjanlegt).

Af hverju að velja okkur?

Fagleg tækifæri

• Einstaklingsmiðuð aðlögun undir leiðsögn reyndra hjúkrunarfræðinga

• Sjálfstæð vinnubrögð í krefjandi og fjölbreyttu starfi

• Tækifæri til að þróa sérhæfða þekkingu í hjúkrun hjartasjúklinga

Frábær vinnustaður

• 36 stunda vinnuvika í fullri dagvinnu

• Betra jafnvægi milli vinnu og einkalífs

• Náið samstarf fagaðila í þverfaglegu teymi

Þú verður lykilþátttakandi í hjúkrun og stuðningi við einstaklinga með hjartasjúkdóm.

• Hjúkrun og fræðsla - Veitir sjúklingum og aðstandendum einstaklingsmiðaða þjónustu, fræðslu og stuðning

• Ráðgjöf - Nýtir sérþekkingu þína í samstarfi við aðra fagaðila og veitir símaráðgjöf

• Teymisvinna - Tekur virkan þátt í þverfaglegri teymisvinnu

• Þróunarstarf - Tekur þátt í uppbyggingu og áframhaldandi þróun þjónustunnar

• Íslenskt hjúkrunarleyfi

• Jákvæðni og góða samskiptahæfni

• Reynsla af hjúkrun hjartasjúklinga og/ eða langveikra æskileg

• Áhuga á hjúkrun hjartasjúklinga

• Sjálfstæð vinnubrögð

• Faglegur metnaður og áhugi á þróunarstarfi

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Tungumálahæfni: íslenska 4/5, enska 3/5

Staðsetning: Hringbraut, 101 Reykjavík