Starf í flugrekstrardeild Landhelgisgæslunnar

Landhelgisgæsla Íslands leitar að jákvæðum og drífandi einstaklingi til að sinna fjölbreyttum verkefnum í lifandi og krefjandi umhverfi í flugrekstrardeild Landhelgisgæslunnar. Um er að ræða tímabundið starf með möguleika á fastráðningu.

• Umsjón með handbókum

• Verkefnastjórn ýmissa þátta flugrekstrardeildar

• Verkefni tengd þjálfun áhafna

• Samskipti við flugmálayfirvöld og aðra flugrekendur

• Önnur tilfallandi verkefni á sviði flugrekstrardeildar

• Menntun og/eða reynsla sem nýtist í starfi

• Haldbær þekking á reglugerðarumhverfi í flugstarfsemi

• Reynsla af verkefnastjórn kostur

• Þekking á WebManuals og SMS360 kostur

• Jákvæðni og lipurð í mannlegum samskiptum

• Frumkvæði, nákvæmni og skipulagshæfileikar

• Mjög góð tölvufærni skilyrði

• Góð íslensku- og enskukunnátta

Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skal starfsfólk uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Um Landhelgisgæslu Íslands:

Landhelgisgæsla Íslands er borgaraleg öryggis-, eftirlits- og löggæslustofnun sem sinnir öryggisgæslu og björgun á hafi úti og fer með löggæslu á hafinu. Samkvæmt lögum nr. 52/2006 um Landhelgisgæslu Íslands er henni falið að gæta ytri landamæra og standa vörð um fullveldisrétt Íslands á hafsvæðinu kringum landið. Landhelgisgæslan fer með daglega framkvæmd öryggis- og varnarmála sbr. varnarmálalög nr. 34/2008, þ.m.t. er rekstur öryggissvæða, mannvirkja, kerfa, stjórnstöðvar NATO/LHG og ratsjár- og fjarskiptastöðva.Hjá Landhelgisgæslunni starfar um 270 manna samhentur hópur sem hefur að leiðarljósi slagorðið: Við erum til taks. Gildi Landhelgisgæslunnar eru: Öryggi - Þjónusta - FagmennskaNánari upplýsingar um Landhelgisgæslu Íslands má finna á: www.lhg.is

Umsóknarfrestur er til og með 7. apríl 2026. Umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Landhelgisgæslan starfar samkvæmt jafnréttisstefnu og er jafnlaunavottuð. Allir áhugasamir einstaklingar, óháð kyni, eru hvattir til að sækja um.