Rekstrarstjóri í matsölu nemenda í Menntaskólanum við Hamrahlíð

Menntaskólinn við Hamrahlíð auglýsir fyrir hönd Nemendafélags skólans, NFMH, starf rekstrarstjóra í matsölu nemenda, Sómalíu, sem nemendur hafa rekið í 25 ár. MH er heilsueflandi framhaldsskóli með yfir 1000 nemendur. Starfið felur í sér mikil samskipti í skemmtilegu og krefjandi umhverfi með ungu fólki.

Í starfinu felst að hafa yfirumsjón með öllu sem tengist rekstri matsölunnar. T.d. má nefna:

• Innkaup

  • ákveða vöruúrval í versluninni

  • vera i samskiptum við birgja og panta og kaupa inn allar vörur sem eru seldar í Sómalíu

• Samstarf með matráði eldhússins

  • með pantanir frá birgjum

  • með matseðla vikunnar

  • uppsetningu og frágang í tengslum við heitan mat í hádeginu og salatbar

• Tækjaumsjón

  • sjá um kassakerfið, sjá um uppgjör og vera í samskiptum við þjónustuaðila

  • sjá um að kaffivélar, kælar og öll tæki sem rekstrinum tengjast séu hrein og í lagi

• Starfsfólk

  • sjá um að ráða nemendur til starfa og skipuleggja vaktaplan þeirra

  • sjá um fjármál og launavinnslu í samvinnu við fjármálastjóra MH

• Önnur verkefni sem tengjast rekstrinum

Lögð er áhersla á metnað og sjálfstæði í starfi, stundvísi og skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði sem og að geta starfað með ungu fólki..

• Stúdentspróf eða sambærileg menntun.

• Góð tölvukunnátta og fjármálalæsi

• Íslenskukunnátta áskilin og gott vald á ensku

• Reynsla af sambærilegu starfi er mikill kostur

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Um er að ræða starf í 9 mánuði ár hvert, á meðan nemendur eru í skólanum. Ráðið er frá miðjum ágúst og fram í maí og er viðvera alla virka daga skv. skóladagatali, frá kl. 8:00 til 15:00. Starfið gæti hentað vel þeim sem vilja nýta sumarið í annað. Í Sómalíu starfa auk rekstrarstjóra, matráður í 100% starfi, starfsmaður í hlutastarfi og nemendur skólans starfa einnig við afgreiðslu eins og þörf er.

Áhersla er lögð á að umsóknum fylgi ferilsskrá, sakavottorð og upplýsingar um umsagnaraðila.