Húsasmíði

Í Fjölbrautaskóla Vesturlands á Akranesi (FVA) vantar kennara með mikla og fjölbreytta reynslu í húsasmíði.

FVA er framsækinn og traustur framhaldsskóli sem starfar samkvæmt þremur gildum; jafnrétti, virðingu og fjölbreytileika. Nemendur eru 480 og starfsfólk skólans um 70. Flestir nemendur koma frá Akranesi og nágrannasveitarfélögum og við skólann er starfrækt heimavist. Námsframboð er fjölbreytt, bæði í bók- og verknámi og starfsmannahópurinn er kraftmikill og metnaðarfullur. Áhersla er lögð á lýðræðislega kennslu- og stjórnunarhætti og notalegan skólabrag í samræmi við gildi skólans.

• Kennsla og námsmat í bóklegum og verklegum greinum

• Skapa faglegt og hvetjandi námsumhverfi

• Taka þátt í samstarfi um nýsköpun, starfsþróun og stefnumótun í skólanum

• Fjölbreytt reynsla af margskonar tré- og húsasmíði er skilyrði

• Viðkomandi þarf að falla að þeim starfsmannahópi sem fyrir er í skólanum

• Iðnmeistari

• Leyfisbréf kennara

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Eftirfarandi gögn skulu fylgja umsókn:

• Kynningarbréf

• Ferilskrá

• Upplýsingar um umsagnaraðila sem má hafa samband við

• Afrit af prófskírteinum og leyfisbréfi

Ákvörðun um ráðningu byggir á innsendum gögnum og viðtölum. Öllum umsóknum verður svarað.