Lektor í íslensku og málvísindum

Laust er til umsóknar fullt starf lektors í kennslu íslensku með áherslu á málfræði við Menntavísindasvið Háskóla Íslands. Meginviðfangsefni lektorsins verða kennsla og rannsóknir á sviði íslensks máls og málnotkunar, með áherslu á málfræði og málfræðikennslu, í kennaramenntun fyrir leik-, grunn- og framhaldsskóla. Einnig er þess er vænst að viðkomandi taki virkan þátt í þróun kennaramenntunar og fjölbreyttra kennsluhátta á háskólastiginu. Lögð er áhersla á þverfaglega samvinnu við annað fræðafólk innan háskólans og samstarf við fagvettvang.

Samkvæmt reglum Háskóla Íslands skiptast starfsskyldur kennara í þrjá meginþætti: rannsóknir, kennslu og stjórnun.

• Kennsla í íslensku máli, töluðu og rituðu, málnotkun, málfræði og kennslu íslensku sem annars máls fyrir nemendur í kennaranámi á grunn- og framhaldsstigi

• Rannsóknir á sviði íslensks máls og málnotkunar, íslenskrar málfræði og málfræðikennslu í skólum

• Leiðsögn með lokaverkefnum grunn-, meistara- og doktorsnema

• Þátttaka í stjórnun námsbrautar og þróun námsleiða á sviði íslensku og íslenskukennslu á Menntavísindasviði

• Doktorspróf með áherslu á áherslu á íslenska málfræði og/eða málfræðikennslu

• Reynsla af háskólakennslu í íslenskri málfræði og/eða málfræðikennslu er æskileg

• Reynsla af rannsóknum á sviði íslenskrar málfræði eða málfræðikennslu

• Reynsla af kennslu íslensku á öðrum skólastigum, grunnskóla og/eða framhaldsskóla er æskileg

• Reynsla af þátttöku í alþjóðlegu samstarfi er kostur

• Samstarfshæfni og lipurð í mannlegum samskiptum

• Góð færni í íslensku og ensku, í ræðu og riti

Við ráðningu verður horft til þess að sá sem starfið hlýtur falli sem best að aðstæðum og þörfum deildar og sviðs.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi hefji störf sem fyrst eftir að þær nefndir sem um málið fjalla hafa lokið störfum eða eftir nánara samkomulagi.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni:

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins.

Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt á 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir