Æðaskurðlæknir á skurðlækninga-, skurðstofu og gjörgæsluþjónustu

Laust er til umsóknar starf æðaskurðlæknis á skurðlækninga-, skurðstofu- og gjörgæsluþjónustu Landspítala. Starfshlutfall er 100% og veitist starfið frá 1. júlí 2026 eða eftir nánara samkomulagi. Leitað er eftir metnaðarfullum æðaskurðlækni til að annast sérhæfða meðferð og eftirfylgd við sjúklinga okkar.

Æðaskurðlæknar starfa í öflugu þverfaglegu teymi og í nánu samstarfi við aðrar fagstéttir spítalans. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýju samstarfsfólki og veitum góða aðlögun.

• Sérfræðistörf í samráði við yfirlækni sérgreinarinnar, s.s. greining, meðferð og eftirfylgd sjúklinga með vandamál er tengjast sérgreininni

• Þátttaka í göngudeildarþjónustu

• Þátttaka í vöktum sérgreinarinnar

• Þátttaka í kennslu og vísindavinnu í samráði við yfirlækni

• Þátttaka í teymisvinnu

• Íslenskt sérfræðileyfi í æðaskurðlækningum

• Færni og virkni í slagæðaaðgerðum skilyrði

• Færni og virkni í innæðaaðgerðum skilyrði

• Faglegur metnaður og skipulögð vinnubrögð

• Jákvæðni, sveigjanleiki og lipurð í samskiptum

• Virkni í kennslu og æskileg virkni í vísindavinnu

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Skurðlæknafélag Íslands hafa gert.

Fullt starf er bundið við sjúkrahúsið sbr. grein 3.3 í gildandi kjarasamningi lækna og ríkisins.

Starfsstöð er Landspítali og eftir atvikum önnur sjúkrastofnun sem yfirlæknir hefur sem starfsskyldu að manna.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, vísindavinnu, stjórnunarstörfum

• Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed

• Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir, læknir

Tungumálahæfni: íslenska 4/5

Staðsetning: Fossvogur, 108 Reykjavík