Verkefnisstjóri rannsóknaverkefna

Laust er til umsóknar fullt starf verkefnisstjóra við rannsóknaverkefni hjá Félagsvísindastofnun Háskóla Íslands. Félagsvísindastofnun er rannsókna- og fræðastofnun innan Háskóla Íslands þar sem unnið er að hagnýtum og fræðilegum rannsóknum sem miða að því að styrkja og efla íslenskt samfélag. Þar starfa á annan tug verkefnisstjóra sem sinna rannsóknum, úttektum, þjónustuverkefnum og aðferðafræðilegri ráðgjöf fyrir aðila innan og utan háskólans. Hlutverk verkefnisstjórans er að hafa yfirumsjón með rannsóknum og verkefnum á vegum stofnunarinnar, auk þess að veita sérfræðiráðgjöf og sinna fræðslu á sérsviði hans.

• Verkefnisstjórn rannsókna

• Hönnun rannsókna, úrvinnsla, skýrsluskrif og kynning niðurstaðna

• Tilboðs- og áætlanagerð vegna nýrra verkefna

• Ráðgjöf og þjónusta við viðskiptavini

• Meistarapróf á sviði félagsvísinda (t.d. félagsfræði, mannfræði, stjórnmálafræði), sálfræði eða skyldum greinum

• Reynsla og hæfni í tölfræðilegri úrvinnslu og framsetningu gagna

• Reynsla af gerð viðhorfskannana er kostur

• Góð kunnátta í SPSS, STATA eða R

• Reynsla af skýrsluskrifum eða miðlun niðurstaðna til fjölbreytts áhorfendahóps

• Frumkvæði, nákvæm vinnubrögð og góð samskiptahæfni

• Góð kunnátta í íslensku og ensku, bæði í rituðu og töluðu máli

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir