Hjúkrunarfræðingur á bráðalegudeild geð- og fíknisjúkdóma

Hefur þú áhuga á að hjúkra einstaklingum með geð- og fíknisjúkdóma og að starfa í umhverfi þar sem lögð er áhersla á starfsþróun, fagmennsku, samvinnu og góðan starfsanda? Þá erum við að leita að þér.

Við leitum að jákvæðum og metnaðarfullum hjúkrunarfræðingi til að styrkja teymið okkar á bráðalegudeild geð- og fíknisjúkdóma 32A. Við bjóðum sveigjanlegt starfshlutfall og möguleika á að velja þær tegundir vakta sem henta best. Ráðning er frá 15. apríl 2026 eða eftir samkomulagi.

Um er að ræða líflega deild þar sem enginn dagur er eins, hér hjúkrar þú og styður einstaklinga með tvíþættan vanda; alvarlega geðsjúkdóma og vímuefnavanda. Unnið er í öflugu þverfaglegu teymi þar sem meðal annars er unnið með batamiðaða nálgun, áhugahvetjandi samtal, skaðaminnkun og geðlæknisfræði svo eitthvað sé nefnt.

Hjúkrunarfræðingar sinna lykilhlutverki í meðferð, umönnun og framþróun á deildinni en starfsemin er í stöðugri framþróun og unnið er að fjölbreyttum umbótaverkefnum. Góður starfsandi er á deildinni þar sem lögð er áhersla á samvinnu og góð samskipti þar sem allar raddir skipta máli.

Bráðalegudeild geð- og fíknisjúkdóma heyrir undir meðferðareiningu geð- og fíknisjúkdóma en undir eininguna heyra einnig dagdeild (Teigur), göngudeild og afeitrunardeild ólögráða ungmenna.

Á deildinni eru mikil tækifæri til vaxtar í starfi. Starfsaðlögun er markviss og einstaklingshæfð. Starf á deildinni hentar bæði reynslumiklum hjúkrunarfræðingi sem og hjúkrunarfræðingi sem er að stíga sín fyrstu skref í geðhjúkrun.

Hjá geðþjónustu Landspítala er möguleiki að sækja um sérhæft starfsþróunarár fyrir hjúkrunarfræðinga til að efla faglega framþróun og öryggi í starfi. Jafnframt er Landspítali með miðlægt starfsþróunarár fyrir nýútskrifaða hjúkrunarfræðinga.

Ef þú hefur áhuga á að starfa á deild þar sem framlag þitt skiptir raunverulegu máli og þar sem þú færð bæði faglegar áskoranir og góðan stuðning, hvetjum við þig til að senda inn umsókn eða fyrirspurn. Við hlökkum til að heyra frá þér.

• Að taka þátt í að ákveða, skipuleggja og veita viðeigandi hjúkrunarmeðferðir

• Virk þátttaka í þverfaglegum teymum

• Samskipti, hvatning og víðtækur stuðningur við skjólstæðinga og aðstandendur þeirra

• Þátttaka í umbótastarfi og þróun þjónustunnar

• Íslenskt hjúkrunarleyfi

• Faglegur metnaður og einlægur áhugi á geðhjúkrun og skaðaminnkun

• Góð samskiptahæfni

• Hæfni til að vinna sjálfstætt

• Jákvætt hugarfar, metnaður og áhugi á að starfa í þverfaglegu teymi

• Stundvísi og áreiðanleiki

• Færni til að skipuleggja og forgangsraða verkefnum

• Góð almenn tölvukunnátta

• Góð færni í íslensku og ensku, bæði í töluðu og rituðu máli

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Staðsetning: Hringbraut, 101 Reykjavík