Aðjúnkt við Námsbraut í sjúkraþjálfun

Laust er til umsóknar 65% starf aðjúnkts við Námsbraut í sjúkraþjálfun við Læknadeild á Heilbrigiðisvísindasviði. Ráðið verður tímabundið í starfið til tveggja ára.

Starfsskyldur aðjúnktsins skiptast í kennslu (65%), rannsóknir (31%) og stjórnun (4%). Aðjúnktinum er einkum ætlað að annast skipulagningu og kennslu námskeiða á sviði hreyfivísinda, aðferðafræði rannsókna og rafmagnsfræði, auk þess að taka virkan þátt í starfsemi námsbrautarinnar með áherslu á kennslufræði.

• Rannsóknatengd störf á sérsviði viðkomandi innan sjúkraþjálfunar.

• Kennsla og námsmat á sviði hreyfivísinda, aðferðafræði rannsókna, rafmagnsfræði, sjúklingafræðslu og kennslufræða.

• Umsjón með námskeiðum og námsmati einstakra námskeiða námsbrautarinnar (samskipti við kennara, nemendur og prófastofu).

• Doktorspróf á sviði sjúkraþjálfunar eða skyldum greinum.

• Reynsla af kennslu á háskólastigi.

• Samstarfshæfni, nákvæmni, útsjónarsemi og þjónustulund.

• Gott vald á upplýsingatækni og hæfni til að tileinka sér nýjungar á því sviði.

• Sjálfstæð, skipulögð og lausnamiðuð vinnubrögð.

• Góð enskukunnátta, í ræðu og riti.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við að sá er starfið hlýtur falli sem best að aðstæðum og þörfum Námsbrautar í sjúkraþjálfun.

Æskilegt er að viðkomandi geti hafið störf sem fyrst, eða samkvæmt nánara samkomulagi.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir