Sumarstörf - Hjúkrunarfræðingar/hjúkrunarnemar HSN Sauðárkróki

Heilbrigðisstofnun Norðurlands (HSN) á Sauðárkróki óskar eftir hjúkrunarfræðingum og hjúkrunarnemum í sumarafleysingar á hjúkrunar- og sjúkrasviði. Ráðningartími og starfshlutfall er samkv. samkomulagi.

Erum einnig opin fyrir því að ráða inn til skemmri eða lengri tíma, allt eftir samkomulagi við viðkomandi, allt niður í einstaka helgar eða vaktir.

Húsnæði í boði.

Hér má sjá frekari upplýsingar um HSN á Sauðárkróki: Fagmennska, samvinna og virðing í fyrirrúmi

Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar.

• Fullgilt hjúkrunarpróf og íslenskt starfsleyfi, staðfesting á námi fyrir nema

• Góð færni í íslensku skilyrði

• Frábær samskiptahæfni, jákvæðni og sveigjanleiki

• Reynsla og áhugi á teymisvinnu

• Frumkvæði og sjálfstæði í vinnubrögðum

• Hreint sakavottorð, gott orðspor og ökuleyfi

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af starfsleyfi og prófskírteinum. Fyrir nema skal fylgja með staðfesting á námi.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Tóbaksnotkun og notkun á rafsígarettum er ekki heimil á vinnutíma innan HSN.

Gildi HSN eru: Fagmennska - Samvinna - Virðing.