Starfsmaður á lager á skurðstofum við Hringbraut

Ertu skipulagður og með góða tölvukunnáttu?

Skurðstofur Landspítala við Hringbraut leita að starfsmanni á lager til að ganga til liðs við teymi sem hefur umsjón með skurðstofulager. Í starfinu felst m.a. móttaka og frágangur lagervara, utanumhald um lager og gagnavinnsla.

Við sækjumst eftir einstaklingi með mjög góða tölvukunnáttu sem hefur gaman af skipulagi og vinnur nákvæmt með upplýsingar og gögn. Starfshlutfall er 100%. Unnið er í dagvinnu, frá kl. 07:30-15:30 og er starfið er laust frá 1. apríl 2026 eða eftir nánara samkomulagi.

Á skurðstofum Landspítala við Hringbraut eru 11 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Á deildinni starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi á báðum starfseiningum. Í boði er einstaklings aðlöguð þjálfun eftir þörfum hvers og eins á skemmtilegum vinnustað.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Ábyrgð og umsjón með pöntunum á lager og skráning í lagerkerfi

• Umsjón með daglegu skipulagi og umgengni á lager, vörumóttaka og frágangur vara

• Tryggir skilvirka ferla á vörum og að unnið sé samkvæmt verklagsreglum og stuðlar að hagkvæmni í rekstri

• Umsjón með tiltektum fyrir skurðaðgerðir

• Samskipti og samvinna við birgðastöð, innlenda birgja og dauðhreinsun

• Önnur tilfallandi verkefni í samráði við deildarstjóra

• Viðeigandi menntun sem nýtist í starfi

• Reynsla af sambærilegum störfum er kostur

• Góð tölvukunnátta og hæfni til að tileinka sér nýja þekkingu

• Skipulögð, sjálfstæð og öguð vinnubrögð

• Jákvætt viðmót og góðir samskiptahæfileikar

• Hæfni til að vinna í teymi

• Góð íslenskukunnátta í mæltu og rituðu máli

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sérhæfður starfsmaður, þjónustustörf, lagerstörf, skrifstofustarf

Tungumálahæfni: íslenska 4/5,

Staðsetning: Hringbraut, 101 Reykjavík