Sérfræðingur í hjúkrun nýbura - Vökudeild Barnaspítala Hringsins

Laust er til umsóknar starf sérfræðings í hjúkrun nýbura á Vökudeild Barnaspítala Hringsins. Við leitum að kraftmiklum sérfræðingi í hjúkrun til að efla öryggi, gæði og framþróun í þjónustu deildarinnar með áherslu á hjúkrun nýbura í fyrirburaeftirliti og þjónustu við börn sem útskrifast með sondu, súrefni eða hafa aðrar hjúkrunartengdar þarfir eftir útskrift af Vökudeild. Að auki er gert ráð fyrir aðkomu sérfræðings að mótun og stofnun fyrirhugaðrar nýburamóttöku á Landspítala. Starfið er unnið í nánu samstarfi við deildarstjóra, stjórnendateymi barnadeilda og annað samstarfsfólk.

Starfshlutfall er 80-100% þar sem gert er ráð fyrir vaktavinnu á deild að hluta á móti dagvinnu. Starfið er laust frá 1. apríl 2026 eða eftir samkomulagi.

• Klínísk störf í samræmi við gagnreynda þekkingu

• Þróun hjúkrunar og þjónustu, innleiðing nýrra verkferla og eftirfylgni

• Ráðgjöf til sjúklinga, fjölskyldna og fagaðila

• Leiðsögn, kennsla og fræðsla

• Rannsóknir og gæðastörf

• Innleiðing nýrra verkefna

• Stuðlar að liðsheild og menningu sálræns öryggis

• Starfar í anda þess að sjúkrahúsþjónusta byggir á teymisvinnu

• Meistara- eða doktorspróf í hjúkrun

• Íslenskt sérfræðileyfi í hjúkrun barna/nýbura

• Starfsreynsla við hjúkrun nýbura

• Leiðtoga- og samskiptahæfileikar

• Reynsla af teymisvinnu

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Í umsóknarformið skal skrá inn upplýsingar um:

• Fyrri störf, menntun og hæfni

• Félagsstörf og umsagnaraðila

Nauðsynleg fylgiskjöl:

• Vottað afrit af prófskírteinum og starfsleyfum

• Ferilskrá þar sem tilgreind er reynsla af kennslu, rannsóknum, gæða- og þróunarverkefnum

• Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Sérfræðingur í hjúkrun, hjúkrun

Tungumálahæfni: íslenska 4/5,

Staðsetning: Hringbraut, 101 Reykjavík