Teymisstjóri á endurhæfingardeild Grensási

Við leitum eftir öflugri og jákvæðri fagmanneskju í spennandi starf teymisstjóra sem hefur áhuga á að taka virkan þátt í áframhaldandi þróun og uppbyggingu endurhæfingarþjónustu á Grensási.

Teymisstjóri gegnir lykilhlutverki í samhæfingu þverfaglegs samstarfs og hefur yfirsýn yfir framgang meðferðar sjúklinga á legudeildinni. Markmiðið er að tryggja samfellda, markvissa og árangursríka endurhæfingu fyrir einstaklinga eftir alvarleg veikindi eða slys. Skilyrði er að viðkomandi hafi lokið heilbrigðismenntun sem nýtist í starfi, þá til dæmis hjúkrunarfræði, sjúkraliðanámi eða félagsráðgjöf.

Á Grensási er veitt frumendurhæfing eftir erfið veikindi og slys. Starfsemin er fjölbreytt og áhersla er á þverfaglega samvinnu. Starfsánægja er mikil og starfsmannavelta lítil, þetta er dýrmætt tækifæri til að kynnast öflugri teymisvinnu í þverfaglegu umhverfi. Síðastliðin ár hefur mikil uppbygging verið í starfseminni, þjálfunarsundlaug verið endurgerð og hannaður meðferðargarður við húsið. Glæsileg viðbygging verður opnuð árið 2027 og verður öll aðstaða þar eins og best verður á kosið.

Starfið er laust nú þegar eða samkvæmt nánara samkomulagi og er starfshlutfall 100%. Starfið er að mestu leyti dagvinna en kostur er á kvöld- og helgarvinnu eftir samkomulagi.

• Hafa yfirsýn yfir meðferð og framvindu endurhæfingar hjá sjúklingum

• Samskipti við sjúklinga og aðstandendur

• Samhæfing þverfaglegs teymis

• Skipulagning og stýring á teymisfundum

• Leiða fjölskyldufundi og tryggja virka þátttöku aðstandenda

• Vinna markvisst að skipulagningu og samhæfingu útskriftarmála

• Tryggja tengingu við aðra þjónustu (t.d. félagsþjónustu eða heilsugæslu)

• Sinna klínískri vinnu með sjúklingum hluta úr degi

• Móttaka hjúkrunar- og sjúkraliðanema og umsjón með skipulagningu verknáms þeirra í samvinnu við menntastofnanir

• Heilbrigðismenntun sem nýtist í starfi; t.d. hjúkrunarfræði, sjúkraliðanám, félagsráðgjöf

• Reynsla af þverfaglegri teymisvinnu er æskileg

• Framúrskarandi samskiptahæfileikar

• Skipulagshæfni og leiðtogahæfileikar

• Sjálfstæði, frumkvæði, faglegur metnaður og lausnamiðuð nálgun

• Góð íslenskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, teymisstjóri, hjúkrunarfræðingur, sjúkraliði, félagsráðgjafi

Tungumálahæfni: íslenska 4/5

Staðsetning: Álmgerði 108 Reykjavík