Framhaldsskólakennari

Framhaldsskólinn á Laugum auglýsir eftir kennara í raungreinum (líffræði, jarðfræði, efnafræði og eðlisfræði eða skyldum greinum) við skólann. Kostur ef viðkomandi getur kennt stærðfræði.

Kennarinn

• vinnur samkvæmt Aðalnámskrá framhaldsskóla, grein 1.3

• annast kennslu og undirbúning hennar samkvæmt markmiðum gildandi skóla- og aðalnámskrá

• gerir kennsluáætlun á því formi sem óskað er eftir

• annast námsmat, skráir einkunnir og viðveru og heldur nemendum reglulega upplýstum um stöðu sína

• leiðbeinir nemendum um vinnubrögð í námi

• veitir nemendum og öðrum sem til hans leitar upplýsingar um starfshætti skólans

• tekur þátt í þróunar- og umbótastarfi skólans

• ber ábyrgð á sí- og endurmenntun sinni

• vinnur samkvæmt siðareglum

• annast önnur verkefni sem honum eru falin og samkomulag er um

• ber ábyrgð á að verkefni sem undir hann falla séu unnin samviskusamlega og innan settra tímamarka

Umsækjendur þurfa að hafa hæfni og rétt til að nota starfsheitið kennari og sérhæfingu/reynslu til að kenna greinar á auglýstu sviði á 2.-4. hæfniþrepi samkvæmt aðalnámskrá framhaldsskóla. Að auki þarf umsækjandinn að vera

• sjálfstæður í vinnubrögðum

• gæddur skipulagshæfileikum

• gæddur frumkvæði

• gæddur þjónustulipurð

• gæddur hæfni og lipurð í samskiptum

• með góða tölvukunnáttu

• með vilja og getu til að takast á við margvísleg verkefni, þróunarvinnu og framsækni í skólastarfi á skemmtilegum vinnustað

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Umsóknum skulu fylgja upplýsingar um nám- og starfsferil ásamt afriti af prófskírteinum og leyfisbréfum sem og sakavottorð. Kynningarbréf þar sem gerð er grein fyrir ástæðu umsóknar og sýn viðkomandi á sjálfum/sjálfri sér sem kennara er æskilegt. Ráðið er í stöðuna frá 1. ágúst 2026. Allt fólk er hvatt til þess að sækja um starfið. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.