Sálfræðiþjónusta

Sálfræðiþjónusta Landspítala vill ráða til starfa fimm metnaðarfulla og sjálfstæða sálfræðinga með góða samskiptafærni og áhuga á fjölbreyttu starfi í þverfaglegu spítalaumhverfi. Þrjú hinna auglýstu starfa eru ótímabundin og tvö eru tímabundin vegna afleysinga.

Um er að ræða faglega krefjandi störf á spennandi vettvangi fyrir sálfræðinga sem hafa áhuga á nýsköpun og framþróun í starfi. Landspítali er þverfaglegur vinnustaður og býður upp á líflegt starfsumhverfi. Störfin eru innan meðferðareiningar geðrofssjúkdóma t.d. í geðrofs- og samfélagsgeðteymi og á geðgjörgæslu og fela fyrst og fremst í sér greiningar- og meðferðarvinnu með fólki sem er að takast á við geðrofssjúkdóm eða annan alvarlegan geðvanda. Að auki er eitt tímabundið starf í bráða- og ráðgjafaþjónustu geðþjónustu.

Hjá Sálfræðiþjónustunni starfa 80 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð. Lögð er áhersla á að sálfræðingar á Landspítala fái öfluga handleiðslu og símenntun í faginu.

• Greining, mat og meðferð á geðrænum vanda, gagnreynd sálfræðimeðferð og ráðgjöf

• Einstaklings- og hópmeðferð

• Námskeiðahald og fræðsla

• Handleiðsla og þjálfun nema í klínískri sálfræði í samræmi við reynslu

• Þátttaka í þróun og uppbyggingu sálfræðiþjónustu á Landspítala

• Þátttaka og uppbygging á þverfaglegri teymisvinnu

• Íslenskt starfsleyfi sálfræðings

• Þekking og reynsla af sálfræðilegri greiningu og sálmeinafræði

• Þekking og reynsla af gagnreyndum aðferðum, s.s. hugrænni atferlismeðferð

• Áhugi á að vinna í spítalaumhverfi, reynsla af því að hafa unnið í spítalaumhverfi er kostur

• Reynsla af þátttöku í þverfaglegri teymisvinnu heilbrigðisstétta æskileg

• Framúrskarandi samskiptahæfni

• Hæfni til að vinna sjálfstætt og sýna frumkvæði

• Góð íslenskukunnátta skilyrði

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sálfræðingur, teymisvinna

Tungumálahæfni, íslenska 4/5

Staðsetning: Hringbraut, 101 Reykjavík