Málastjóri í geðrofs- og samfélagsgeðteymi - dagvinna

Það er laus staða málastjóra í geðrofs- og samfélagsgeðteymi.

Við óskum eftir háskólamenntuðum einstaklingi með áhuga á þverfaglegri teymisvinnu og vinnu með fólki með geðrænar áskoranir. Starfsemin er staðsett á göngudeild Klepps. Starfsaðlögun er markviss og einstaklingshæfð og miklir möguleikar eru til starfsþróunar. Staðan er laus frá 1. maí 2026 eða eftir samkomulagi. Um framtíðarstarf og dagvinnu er að ræða.

Meginverkefni teymanna er að veita fólki sem greinst hefur með alvarlega geðsjúkdóma og aðstandendum þeirra þverfaglega og einstaklingsmiðaða þjónustu sem byggir á batamiðaðri hugmyndafræði og skaðaminnkandi nálgun. Þjónustan fer fram á göngudeildinni, en einnig er þjónusta veitt í nærumhverfi þjónustuþeganna.

Markmið meðferðarinnar er að stuðla að bata, rjúfa félagslega einangrun og auka virkni og lífsgæði í daglegu lífi. Málastjórum standa til boða mikil tækifæri til vaxtar í starfi með markvissri handleiðslu og faglegum stuðningi. Í teyminu starfa um 25 fagaðilar; læknar, hjúkrunarfræðingar, félagsráðgjafar, sálfræðingar, atvinnuráðgjafar, jafningjar og málastjórar með fjölbreyttan bakgrunn.

Hlutverk málastjóra er fjölbreytt og felst meðal annars í mati á geðrænum einkennum og mati á einstaklingsbundnum þörfum. Málastjóri sinnir meðferð og eftirfylgd, þróun meðferðaráætlana og vöktun og mati á árangri þjónustunnar. Málastjóri er einnig í samskiptum við aðstandendur og heldur utan um þá meðferð og endurhæfingu sem einstaklingurinn þarf á að halda. Virkt umbótastarf er á deildinni, og mikil tækifæri til að leiða verkefni og hafa áhrif á þróun þjónustunnar.

Góður starfsandi ríkir á deild og starfsumhverfið er fjölskylduvænt. Áhugasamir eru hvattir til að hafa samband við Eygló, deildarstjóra, ef óskað er eftir frekari upplýsingum um starfið.

• Málastjórn, þ.m.t. greining á þjónustuþörf og færni og gerð meðferðaráætlana, regluleg samskipti, hvatning, fræðsla, leiðbeiningar og heildrænn stuðningur

• Virk þátttaka í þverfaglegu samstarfi

• Virk þátttaka í meðferð einstaklinga og stuðningi við aðstandendur

• Virk þátttaka í framþróun, uppbyggingu þjónustunnar og umbótastarfi deildar

• Stuðla að góðum starfsanda og menningu sálræns öryggis

• Önnur fjölbreytt verkefni

• Háskólapróf á sviði heilbrigðisvísinda

• Framhaldsnám sem nýtist í starfi er kostur

• Faglegur metnaður og einlægur áhugi á að þjónusta og styðja einstaklinga með geðsjúkdóma

• Reynsla af starfi í geðþjónustu Landspítala eða reynsla af sambærilegu starfi er kostur

• Mjög góð samskiptahæfni

• Jákvætt hugarfar, metnaður og áhugi á að starfa í þverfaglegu teymi

• Stundivísi, áreiðanleiki og öguð vinnubrögð

• Skipulagsfærni, sjálfstæði og frumkvæði

• Góð almenn tölvukunnátta og geta til að læra nýjungar

• Góð færni í íslensku og ensku, önnur tungumálakunnátta er kostur

• Bílpróf

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi eins og við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, sálfræðingur, félagsráðgjafi, iðjuþjálfi, þroskaþjálfi, málastjóri

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík