Starfsfólk í aðhlynningu á Patreksfirði - Sumarafleysing

Heilbrigðisstofnun Vestfjarða á Patreksfirði óskar eftir að ráða starfsfólk í 70-100% starf við aðhlynningu á legudeildinni í sumar.

Aðhlynning og önnur tilfallandi verkefni. Þetta er kjörin staða fyrir þau sem vilja öðlast fjölbreytta reynslu í hvetjandi starfsumhverfi.

Á deildinni starfar öflugur hópur og er þar góður starfsandi sem einkennist af samheldni, fagmennsku, metnaði og gleði.

• Góð samskiptahæfni, jákvæðni og rík þjónustulund

• Samviskusemi og sjálfstæð vinnubrögð

• Stundvísi

• Metnaður og ábyrgð í starfi

• Reynsla af sambærilegu starfi er kostur

• Góð íslenskukunnátta áskilin

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja starfsferilskrá. Öllum umsóknum verður svarað þegar ráðning hefur verið ákveðin. Umsókn getur gilt í allt að 6 mánuði.

Hjá Heilbrigðisstofnun Vestfjarða starfa rúmlega 270 manns og veitir stofnunin almenna heilbrigðisþjónustu á þremur sviðum; hjúkrunarsviði, heilsugæslusviði og sjúkrasviði, með sjúkrahús á Ísafirði og Patreksfirði.

Patreksfjörður er mjög fjölskylduvænn staður, þar eru leikskóli, grunnskóli, tónlistarskóli og framhaldsskóladeild ásamt öflugu íþróttastarfi. Börn hafa mikið frelsi og tækifærin til útivistar eru allt í kring.Margvísleg starfsemi er á svæðinu og næg atvinnutækifæri fyrir maka.