Lyfjatæknir í sjúkrahúsapótek

Viltu vinna í skemmtilegu teymi þar sem verkefnin eru fjölbreytt?

Lyfjaþjónusta Landspítala óskar eftir að ráða öflugan lyfjatækni með sterka þjónustulund og jákvætt viðmót. Við sækjumst eftir lyfjatækni sem er sveigjanlegur, framsækinn og tilbúinn að takast á við ólík verkefni. Æskilegt er að umsækjandi geti hafið störf sem fyrst eða eftir samkomulagi.

Á Landspítala starfa um 30 lyfjatæknar í fjölbreyttum verkefnum á Landspítala. Mikil framþróun er í störfum lyfjatækna á Landspítala og spennandi tímar framundan. Verkefni Lyfjaþjónustu fela meðal annars í sér að þjónusta sjúklinga á öllum deildum spítalans með öflun, blöndun, skömmtun og dreifingu lyfja ásamt faglegri upplýsingagjöf um lyf.

Lyfjaþjónusta er stöðugt að þróa starfsemi sína til að bæta lyfjaöryggi og lyfjaumsýslu á Landspítala.

• Birgðastýring lyfja og umsýsla lyfja á lyfjaherbergjum á klínískum deildum

• Þróun þjónustuteyma á klínískum deildum

• Afgreiðsla pantana á deildir, samskipti við klínískar deildir, vörumóttaka

• Fylgni við gæðakerfi og þátttaka í þróun gæðavinnu

• Önnur tilfallandi verkefni

• Lyfjatæknipróf

• Góð samskiptahæfni, liðsmaður og jákvætt viðmót

• Skipulögð, nákvæm og öguð vinnubrögð

• Geta til þess að vinna samkvæmt gæðastöðlum

• Reynsla úr sjúkrahúsapóteki er kostur

• Góð tölvukunnátta

• Íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta.Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Lyfjatæknir, teymisvinna

Tungumálahæfni: íslenska 4/5,

Staðsetning: Hringbraut, 101 Reykjavík