Hjúkrunarnemar óskast á blóð- og krabbameinslækningadeild

Við óskum eftir áhugasömum hjúkrunarnemum á 1.-4. ári til starfa, bæði í tímabundið hlutastarf meðfram námi og til sumarafleysinga.

Á deildinni gefst frábært tækifæri til að fá reynslu og innsýn í fjölþætta hjúkrun sjúklinga með krabbamein og illkynja blóðsjúkdóma.

Deildin er 30 rúma legudeild þar sem lögð er áhersla á einstaklingsmiðaða og heildræna þjónustu, fjölskylduhjúkrun, teymisvinnu og góðan starfsanda. Mikil áhersla er á gæða- og umbótavinnu á deildinni. Við bjóðum upp á einstaklingshæfða starfsaðlögun á deildinni, markvissa fræðslu og við leggjum áherslu á góðan stuðning við nýráðna starfsmenn.

Upphafsdagur starfa sem og starfshlutfall er samkomulag.

Vinnuvika starfsfólks í fullri vaktavinnu er 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Hlutverk og ábyrgð er í samræmi við starfslýsingar hjúkrunarnema eftir lengd náms

• Þátttaka í teymisvinnu

• Þátttaka í þróun og innleiðingu nýjunga innan hjúkrunar

• Hjúkrunarnemi á 1.-4. ári

• Faglegur metnaður og vandvirkni í vinnubrögðum

• Jákvætt viðhorf, frumkvæði og góðir samskiptahæfileikar

• Hæfni og vilji til að vinna í teymi

• Íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Starfsmerkingar: Heilbrigðisþjónusta, hjúkrunarnemi, hjúkrun

Tungumálahæfni: Íslenska 4/5

Staðsetning: Hringbraut, 101 Reykavík