Tónlistarstjóri Óperunnar

Óperan auglýsir lausa til umsóknar stöðu tónlistarstjóra. Um er að ræða fullt starf sem felur í sér þátttöku í uppbyggingu nýrrar óperustofnunar og þróun öflugs, faglegs óperustarfs á Íslandi. Tónlistarstjóri ber ábyrgð á helstu tónlistarþáttum starfseminnar í nánu samstarfi við óperustjóra og aðra lykilstarfsmenn og tekur þátt í mótun dagskrár. Starfið er bæði fjölbreytt og krefjandi og kallar á víðtæka tónlistarlega kunnáttu.

• Umsjón með tónlistarþætti óperuverkefna og söngþjálfun einsöngvara

• Stjórnun kórs/hljómsveitar á æfingum/sýningum

• Þátttaka í áheyrnarprufum og skipulagningu þeirra

• Skipulagning og samhæfing tónlistaræfinga

• Vinna með gestastjórnendum, aðstoða þá eftir þörfum og geta leyst af ef aðstæður krefja

• Tækifæri til að stjórna ýmsum uppfærslum og verkefnum

• Getur leyst repetitör af eftir þörfum

• Háskólamenntun í tónlist

• Reynsla af starfi í óperuhúsi sem repetitör, aðstoðarhljómsveitarstjóri eða annað sambærilegt

• Góð þekking á söngröddinni og óperubókmenntum, reynsla af samstarfi við söngvara og hæfni til að leiða tónlistarstarf

• Góð hæfni í skipulags- og áætlanagerð

• Góð íslensku- og enskukunnátta er æskileg

• Framúrskarandi samskipta- og samstarfsfærni

Laun samkvæmt gildandi kjarasamningi sem fjármála- og efnahagsráðherra og Félag íslenskra hljómlistarmanna hafa gert.

Eftirfarandi gögn skulu fylgja umsókn

• Ferilskrá ásamt umsagnaraðilum og ítarlegt kynningarbréf

• Afrit af prófskírteinum

• Tenglar á upptökur/myndbönd ef til eru

Óperan áskilur sér rétt til að ráða ekki í starfið ef enginn umsækjandi uppfyllir settar kröfur. Öllum umsóknum verður svarað þegar ákvörðun um ráðningu liggur fyrir. Við hvetjum öll áhugasöm, óháð kyni og uppruna, til að sækja um.