Matráður í mötuneytið á Litla Hrauni

Fangelsismálastofnun óskar eftir að ráða í eina stöðu matráðs í mötuneyti fangelsisins Litla-Hraun.

Leitað er að einstaklingi með ástríðu fyrir góðum mat og þjónustulund.

Mötuneytið er bæði fyrir starfsfólk og skjólstæðinga á Litla-Hrauni og á Hólmsheiði.

Um er að ræða 80% starf sem unnið er í vaktavinnu.

Æskilegt er að umsækjandi geti hafið störf sem fyrst.

• Sér um matseld og fylgir áherslum um hollustu, næringargildi og eldamennsku frá grunni.

• Innkaup eftir þörfum í samráði við yfirmann mötuneytis.

• Vinnur að umbótum í matseld og gæðum máltíða í samræmi við stefnu yfirmanns mötuneytis.

• Aðstoð við gerð matseðla.

• Eftirlit með að reglum um hollustuhætti sé fylgt.

• Eftirlit með nýtingu matvæla og að koma í veg fyrir sóun.

• Leysir af yfirmann mötuneytis í fjarveru hans.

• Þátttaka í pökkun, afhendingu máltíða og sendingum til Hólmsheiðar.

• Tekur þátt í eftirliti með skjólstæðingum í samráði við yfirmann mötuneytis og matráð.

• Sinnir öðrum verkefnum mötuneytis samkvæmt fyrirmælum yfirmanns mötuneytis.

• Akstur með máltíðir til Hólmsheiðar um helgar.

Menntunar- og hæfniskröfur

• Hafa lokið matartækninámi eða sambærilegu námi.

• Hafa 1-3 ára reynsla af störfum í mötuneyti eða eldhúsi.

• Ökuréttindi.

Persónulegir eiginleikar:

• Góð hæfni í mannlegum samskiptum og samstarfi.

• Geta unnið sjálfstætt og eftir ákveðnum verklagsreglum og gæðakröfum.

• Nákvæmni, hreinlæti og ábyrgð í störfum.

• Frumkvæði og skipulagshæfni.

• Vilji til að tileinka sér ný vinnubrögð og taka þátt í umbótum í þjónustu og gæðum.

• Góð íslenskukunnátta.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Æskilegt er að viðkomandi geti hafið störf sem fyrst.

Vinnutími er frá 07:00 -14:30 og um er að ræða vaktavinnu. Unnið er eftir 2-2-3 vaktafyrirkomulagi.

Athygli er vakin á því að áður en til ráðningar kemur skal umsækjandi, að fengnu samþykki hans, undirgangast bakgrunnsskoðun skv. 10. gr. laga nr. 15/2016 um fullnustu refsinga.

Umsóknir geta gilt í sex mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.