Verkefnisstjóri innviðaeftirlits

Laust er til umsóknar fullt starf verkefnisstjóra innviðaeftirlits við framkvæmda- og tæknisvið Háskóla Íslands.

Á skrifstofu sviðsins starfa auk sviðsstjóra verkefnisstjórar ýmissa verkefna sem viðkoma rekstri og viðhaldi fasteigna. Sviðið skiptist í þrjár deildir þ.e., viðhaldsdeild, rekstur fasteigna og umsjón fasteigna.

• Uppbygging og rekstur LoRaWAN tækjanets fyrir byggingar Háskóla Íslands

• Uppsetning kerfa til skráningar upplýsinga frá húskerfum bygginga

• Rafrænn aflestur veitukerfa og vistun og framsetning gagna

• Mat á rýmisnýtingu og eftirlit með mikilvægum innviðum Háskóla Íslands

• Rekstur og eftirlit með húskerfum

• Vöktun á búnaði í rannsóknaumhverfi fræðasviða

• Stuðla að bættri nýtingu innviða háskólans, bæði fjárhagslega og umhverfislega

• Meistarapróf sem nýtist í starfi

• Reynsla af sambærilegum verkefnum er kostur

• Reynsla af uppbyggingu og reksturs á LoRaWAN tækjanetskerfi er æskileg

• Reynsla af örtölvuforritun og smíði rafrása er æskileg

• Reynsla úr rannsóknaumhverfi og af tækjabúnaði tengdum grunnrannsóknum er kostur

• Samskiptahæfni, þjónustulund og lipurð í mannlegum samskiptum

• Íslensku- og enskukunnátta, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir