Verkefnisstjóri við Sjálfbærnistofnun

Laust er til umsóknar fullt starf verkefnisstjóra hjá Sjálfbærnistofnun Háskóla Íslands. Meginhlutverk Sjálfbærnistofnunar er að vera vettvangur og stoð við þverfræðilegar rannsóknir háskólakennara, sérfræðinga og framhaldsnema á sviði sjálfbærrar þróunar, með víðtæka yfirsýn og tengsl innan og utan HÍ. Sjálfbærnistofnun er jafnframt samstarfsvettvangur við aðila utan háskólans, svo sem stjórnvöld, sveitarfélög, stofnanir, fyrirtæki, félagasamtök og einstaklinga. Stofnunin stendur fyrir málþingum og fyrirlestrum, veitir sérfræðiaðstoð, ráðgjöf og annast fræðslustarf á sviði sjálfbærrar þróunar. Sjálfbærnistofnun heyrir undir öll fræðasvið Háskóla Íslands og er stjórn skipuð fulltrúum þeirra.

• Ritstjórn og gerð skýrslna og annars ritaðs efnis

• Skipulag rannsóknaverkefna og vinna við gerð styrkumsókna

• Vinna við eigindlegar rannsóknir og gagnagreiningu

• Skipulagning og stýring vinnustofa og samráðsferla

• Skipulagning funda, fyrirlestra og viðburða

• Umsjón með kynningarmálum stofnunarinnar í samstarfi við annað starfsfólk stofnunarinnar

• Meistarapróf sem nýtist í starfi

• Reynsla af verkefnastjórnun

• Reynsla á málefnum sjálfbærni, loftslagsbreytinga og skyldra sviða er æskileg

• Reynsla af skipulagningu og stýringu vinnustofa, samráðsferla og hagsmunaaðilaþátttöku er æskileg

• Reynsla af gerð styrkumsókna er kostur

• Frumkvæði og sjálfstæði í störfum

• Þjónustulund, sveigjanleiki og lipurð í mannlegum samskiptum

• Góð kunnátta í íslensku og ensku, í ræðu sem og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir