Teymisstjóri heimahjúkrunar Egilsstöðum

Heilbrigðisstofnun Austurlands óskar eftir að ráða teymisstjóra heimahjúkrunar á Egilsstöðum, um tvær stöður er að ræða og er starfshlutfall 70% með möguleika á viðbótar starfsprósentu á heilsugæslu. Staðan veitist frá 1.maí 2026 eða eftir samkomulagi.

Helstu verkefni eru að skipulegga heimahjúkrun á Egilsstöðum. Viðkomandi yrði faglegur stjórnandi heimahjúkrunar. Starfið krefst mikillar samvinnu við heimaendurhæfingateymi HSA og móttöku- og matsteymi, sem er samvinnuverkefni HSA og Múlaþings í samþættri þjónustu.

Leitað er að hjúkrunarfræðingi og er a.m.k 6 ára starfsreynsla æskileg og/ eða viðurkennt viðbótarnám eða sérnám á háskólastigi (a.m.k. 40 ECTS einingar). Reynsla af stjórnun æskileg. Lögð er áhersla á metnað í starfi, framúrskarandi samskiptahæfni, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta áskilin. Almenn ökuréttindi eru áskilin.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.