Verkefnastjóri stjórnsýslu og rannsókna

Háskólinn á Akureyri auglýsir laust til umsóknar 100% starf verkefnastjóra stjórnsýslu og rannsókna.

Starfið heyrir undir forstöðumann Miðstöðvar doktorsnáms og stjórnsýslu rannsókna. Starfsstöðin er við Háskólann á Akureyri. Æskilegt er að viðkomandi geti hafið störf sem fyrst.

• Yfirumsjón með miðlun rannsóknaupplýsinga í IRIS rannsóknargátt (Icelandic Research Information System) við Háskólann á Akureyri.

• Umsjón með og stýrir þróun verkferla á notkun IRIS rannsóknargáttar, ráðgjöf til starfsfólks, leiðir teymisvinnu og samstarf innan háskólans, tekur út tölfræði, skýrslugerð ofl.

• Reglufylgni fyrir stór og alþjóðlega styrkt rannsóknarverkefni.

• Styðja við fræðafólk og fjármálateymi við skýrslugerð og eftirfylgni með stærri rannsóknarstyrkjum.

• Ritari doktorsnámsráðs og starfsmaður dómnefnda.

• Meistarapróf sem nýtist í starfi er nauðsynlegt og doktorspróf er kostur.

• Þekking og áhugi á rannsóknum ásamt reynslu af rannsóknarumhverfi er æskileg.

• Þekking og reynsla af umsýslu rannsóknarverkefna og verkefnastjórnun er æskileg.

• Reynsla af alþjóðlegum rannsóknarstyrkjum er kostur.

• Þekking á opinberri stjórnsýslu og umhverfi háskóla er kostur.

• Starfið gerir miklar kröfur til framúrskarandi hæfni í mannlegum samskiptum, sjálfstæðra vinnubragða og skipulagshæfileika, víðtækrar reynslu í tölvunotkun og ábyrgðarkenndar.

• Góð færni í íslensku og ensku jafnt töluðu sem rituðu máli er nauðsynleg og færni í einu skandinavísku tungumáli er kostur.

Umsókn skal fylgja:

• Greinargott yfirlit yfir náms- og starfsferil.

• Staðfest afrit af viðeigandi prófskírteinum.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

• Tilnefna skal a.m.k. tvo meðmælendur og er æskilegt að annar þeirra sé næsti yfirmaður í núverandi eða fyrra starfi umsækjanda.

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur, sbr. 2. gr. reglna nr. 464/1996. Háskólinn á Akureyri áskilur sér rétt til að hafna öllum umsóknum.

Háskólinn á Akureyri stuðlar að jafnrétti kynjanna og hvetur öll kyn til að sækja um laus störf.

Við ráðningu í störf við Háskólann á Akureyri er tekið mið af jafnréttisáætlun háskólans og tekið er tillit til þarfar einingarinnar við ráðningu.