Fiskistofa óskar eftir metnaðarfullum forritara í fullt starf á Akureyri

Vegna aukinna umsvifa leitum við eftir hressum liðsfélaga í góðan hóp forritara hjá Fiskistofu. Ef þú hefur áhuga á nýsmíði og nýjungum í upplýsingatækni þá gæti þetta verið rétta starfið fyrir þig.

• Greining, þróun og smíði upplýsingatæknikerfa

• Framþróun á veflausnum

• Þátttaka í ýmsum verkefnum á sviðinu

• Háskólamenntun í tölvunarfræði, verkfræði eða sambærilegu námi

• Starfsreynsla við hugbúnaðargerð æskileg

• Þekking og reynsla í bakendaþróun (.NET eða sambærilegt)

• Þekking og reynsla í framendaforritun (React eða sambærilegt)

• Þekking og reynsla af gagnagrunnum og notkun á SQL

• Þekking og reynsla af Azure umhverfinu er kostur

• Brennandi áhugi á hugbúnaðargerð

• Góð samskiptahæfni og jákvætt viðmót

• Góð íslensku- og enskukunnátta í töluðu og í rituðu máli er skilyrði

• Frumkvæði, drifkraftur og skipulagshæfni

• Hæfileiki til að vinna sjálfstætt og í teymi

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá á íslensku sem og kynningarbréf þar sem umsækjandi gerir grein fyrir áhuga og hæfni í starfið út frá hæfniskröfum auglýsingar.

Við ráðningar í störf hjá Fiskistofu er tekið mið af jafnréttisstefnu og jafnréttisáætlun stofnunarinnar og er fólk af öllum kynjum hvatt til að sækja um.

Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.