Aðstoðardeildarstjóri hjúkrunar á endurhæfingardeild Grensás

Starf aðstoðardeildarstjóra á endurhæfingadeild Landspítala er laust til umsóknar.

Endurhæfingardeild Grensás veitir öfluga endurhæfingu á bæði legu- og dagdeild fyrir fólk sem lent hefur í alvarlegum veikindum, slysum eða færniskerðingu og þarfnast sérhæfðrar meðferðar. Aðstoðardeildarstjóri starfar náið með deildarstjóra og fylgir eftir ákvörðunum um skipulag hjúkrunar og verklag á deild sem og innleiðingu nýjunga í hjúkrun er stuðla að auknum gæðum hjúkrunar, gagnreyndum starfsháttum og öryggi sjúklinga. Á deildinni starfar samhentur og metnaðarfullur hópur sem brennur fyrir það að veita sjúklingum og aðstandendum afburðagóða þjónustu.

Á deildinni er fyrirhuguð mikil uppbygging á næstu árum með tilkomu glæsilegrar viðbyggingar sem verður tekin í notkun árið 2027. Öll aðstaða í nýju byggingunni verður einstök með fleiri einbýlum fyrir sjúklinga, framúrskarandi þjálfunaraðstöðu og kaffihúsi. Hér er því frábært tækifæri fyrir öflugan hjúkrunarfræðing að fá að móta og hafa áhrif uppbyggingu endurhæfingarhjúkrunar til framtíðar.

Starfið er laust nú þegar eða eftir nánara samkomulagi.

Vinnuvika starfsfólks í fullri vaktavinnu er 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf, þannig að störf í vaktavinnu verði eftirsóknarverðari.

• Vinnur í samráði við hjúkrunardeildarstjóra að skipulagningu á starfsemi deildar

• Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu

• Er leiðandi í klínísku starfi, þróun starfsemarinnar, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

• Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra

• Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra

• Vinnur náið með deildarstjóra að mótun liðsheildar

• Íslenskt hjúkrunarleyfi

• Starfsreynsla sem hjúkrunarfræðingur

• Áhugi á endurhæfingarhjúkrun

• Jákvætt viðmót og framúrskarandi samskiptahæfni

• Skipulögð, vönduð og öguð vinnubrögð

• Stjórnunarþekking og leiðtogahæfni kostur

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, aðstoðardeildarstjóri, endurhæfing

Tungumálahæfni: íslenska 4/5

Staðsetning: Grensás, 108 Reykjavík