Lögfræðingur hjá Minjastofnun Íslands

Minjastofnun Íslands auglýsir lausa til umsóknar stöðu lögfræðings

Minjastofnun Íslands starfar á grundvelli laga um menningarminjar nr. 80/2012 og laga um skil menningarverðmæta til annarra landa nr. 57/2011, og er ein undirstofnana umhverfis-, orku- og loftlagsráðuneytis. Hún er stjórnsýslustofnun sem fer með umsýslu fornleifa- og húsverndar, þ.m.t. leyfisveitingar til fornleifarannsókna, til breytinga á friðuðum og friðlýstum mannvirkjum og vegna flutnings menningarminja úr landi. Stofnuninni er ætlað að tryggja vernd jarðfastra minja, þ.e. friðaðra og friðlýstra mannvirkja, húsa og fornleifa. Stofnunin fer með umsýslu fornminja- og húsafriðunarsjóða og fornminja- og húsafriðunarnefnda. Minjastofnun er umsagnaraðili og tekur ákvarðanir um jarðfastar menningarminjar sem verða fyrir áhrifum vegna skipulagsmála eða umhverfismats.

Starfið felst meðal annars í samræmingu verklagsreglna, stefnumótunarvinnu, umsagna vegna lagafrumvarpa, samskipti við ráðuneyti og fleiri, ráðgjöf og yfirlestur á erindum og svörun erinda, skýrslugerð og lagatúlkun auk þátttöku í erlendri samvinnu.

Leitað er að lögfræðingi með reynslu af lögfræðistörfum sem er tilbúinn að takast á við krefjandi og skemmtileg verkefni í síbreytilegu starfsumhverfi.

• Embættis- eða meistarapróf í lögfræði.

• A.m.k. þriggja ára starfsreynsla af lögfræðistörfum.

• Mjög góð hæfni í mannlegum samskiptum

• Frumkvæði og sjálfstæði í vinnubrögðum.

• Sveigjanleiki og samstarfshæfni.

• Skipulagshæfni.

• Mjög gott vald á íslensku og færni til að tjá sig í ræðu og riti.

• Góð kunnátta í ensku og færni til að tjá sig í ræðu og riti.

• Kunnátta í norðurlandamáli og hæfileiki til að tjá sig í ræðu og riti er kostur.

• Þekking og reynsla af opinberri stjórnsýslu er mikilvæg.

• Þekking á þeim málaflokkum sem Minjastofnun fæst við er kostur, málefni menningarminja, skipulags- og byggingarmál og umhverfismál.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt að viðkomandi geti hafið störf sem fyrst. Um er að ræða tímabundna ráðningu til 12 mánaða með möguleika á framlengingu.

Með umsókn fylgi ferilskrá og kynningarbréf þar sem tilgreind er ástæða umsóknar. Öllum umsóknum verður svarað þegar ákvörðun um ráðningu liggur fyrir.