Skjala- og gæðastjóri hjá Þjóðminjasafni Íslands

Þjóðminjasafn Íslands leitar að öflugum einstaklingi í starf skjala- og gæðastjóra Þjóðminjasafnsins.

Starfið krefst áræðni og haldgóðrar reynslu af skjalastjórnun auk hæfni til að móta framtíðarsýn í skjala-, gæða- og bókasafnsmálum, en Þjóðminjasafnið rekur sérfræðibókasafn á starfsstöðvum sínum. Í starfinu felst að halda utanum innleiðingu nýrra lausna og verklags ásamt handleiðslu samstarfsfólks með skilvirkni að leiðarljósi.

Skjala- og gæðastjóri starfar í náinni samvinnu við stjórnendur og starfsfólk þvert á starfssvið stofnunarinnar. Um er að ræða fjölbreytt og lifandi starf þar sem reynir á öguð vinnubrögð, samskiptahæfni og fagmennsku.

Skjala og gæðastjóri heyrir undir fjármálastjóra og er aðalstarfsstöðin á Suðurgötu en einnig í Vesturvör Kópavogi og á Tjarnarvöllum í Hafnarfirði.

Vinnustaðurinn okkar er fjölbreyttur og lifandi, þar sem sköpun, fræðsla og varðveisla menningararfsins fléttast saman í hvetjandi og framsæknu umhverfi.

• Ábyrgð á skjalamálum stofnunarinnar, mótun verklags og þróun skjalastefnu til framtíðar

• Leiða þróun og umbætur á sviði skala- og gæðamála

• Ráðgjöf og fræðsla til starfsfólks um skalavistun og bætt verklag

• Ábyrgð á að farið sé eftir lögum og reglum um skjalavörslu og skylduskil opinberra stofnunar til Þjóðskjalasafns Íslands

• Umsjón með sérbókasafni Þjóðminjasafnsins (afgreiðsla, skráning, tímaritahald, skipulag safnkosts)

• Ábyrgð á innleiðingu gæðastefnu og stjórnun verklags

• Ábyrgð á ritstjórn gæðahandbókar og uppfærslum í samstarfi við starfsfólk og stjórnendur

• Frumkvæði í þróun og innleiðingu nýjunga á verklagi við stafræna þróun skjala- og gæðamála auk sérbókasafns

• Háskólapróf (BA/BS að lágmarki) sem nýtist í starfi er skilyrði

• Reynsla í skjalastjórnun innan opinberrar stjórnsýslu og meðferð stjórnsýslumála er kostur

• Þekking og reynsla af skjalavistunarkerfum, gæðakerfum og gæðastjórnun

• Þekking og reynsla af stafrænu umbreytingarferli og þróun í gæða-, skjala- og upplýsingamálum

• Ríkir skipulagshæfileikar og nákvæmni í vinnubrögðum

• Sjálfstæði í vinnubrögðum og færni til að leiða umbætur

• Góð samskipta-og samstarfshæfni, jákvætt viðmót og rík þjónustulund.

• Frumkvæði, metnaður og nákvæmni í starfi, áræðni og drifkraftur

• Færni í íslensku og ensku skilyrði

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Þjóðminjasafn Íslands er vísinda- og þjónustustofnun og höfuðsafn á sviði menningarminja og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar. Þjóðminjasafn Íslands starfar á grundvelli safnalaga nr. 141/2011, lögum um Þjóðminjasafn Íslands nr. 140/2011 og lögum um menningarminjar nr. 80/2012.

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar.

Um fullt starf er að ræða og æskilegt er að viðkomandi geti hafið störf sem fyrst.

Umsókn skulu fylgja yfirlit og greinargóðar upplýsingar um störf umsækjenda og menntun ásamt kynningarbréfi, á íslensku, þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Umsóknir á erlendum tungumálum, án kynningarbréfs eða án ferilskráa verða ekki teknar til greina. Einnig skal fylgja umsókn staðfesting á prófgráðum. Við ákvörðun um boðun í starfsviðtal verður sérstaklega horft til gæða umsóknargagna. Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtölum og umsagna sem aflað er.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.