Iðjuþjálfi HVE Akranesi

Heilbrigðisstofnun Vesturlands (HVE) óskar eftir að ráða iðjuþjálfa í 20% stöðu í dagvinnu. Vinnutími eftir nánara samkomulagi.

Viðkomandi starfar á Akranesi, bæði á heilsugæslu og sjúkrahúsinu.

Sinnir heilsueflingu, forvörnum, meðhöndlun, þjálfun, hæfingu og endurhæfingu. Vinnur að því að efla iðju, heilsu og lífsgæði fólks. Metur áhrif umhverfis- og einstaklingsbundinna þátta á færni og samfélagsþátttöku, vinnur að íhlutun og eftirfylgni. Veitir fræðslu, kennslu, ráðgjöf, aðlagar umhverfi, útvegar hjálpartæki og þjálfun. Veitir ráðgjöf til skjólstæðinga, aðstandenda og annarra starfsmanna HVE.

• Gilt starfsleyfi frá Embætti landlæknis sem iðjuþjálfi.

• Reynsla af störfum við iðjuþjálfun er skilyrði.

• Góð íslensku og enskukunnátta.

• Almenn tölvukunnátta.

• Frumkvæði, skipulagshæfni, nákvæmni, samskiptafærni og þjónustulund.

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Sótt er um starfið á starfatorg.is.

Umsókn fylgi náms og starfsferilskrá og staðfest afrit af íslensku starfsleyfi sem iðjuþjálfi.

Öllum umsóknum verður svarað þegar ákvörðun um ráðningu hefur verið tekin.