Spennandi sumarstarf fyrir laganema í forsætisráðuneytinu

Forsætisráðuneytið auglýsir eftir laganema í sumarstarf á skrifstofu stjórnskipunar. Meðal verkefna er að sinna umsýslu úrskurðarnefndar um upplýsingamál.

Starfið heyrir undir skrifstofu stjórnskipunar. Skrifstofan hefur meðal annars umsjón með stjórnskipunarmálum, lögum um Stjórnarráð Íslands, stjórnsýslu- og upplýsingalögum, málefnum ríkisstjórnar og fjölmiðla- og alþjóðasamskiptum.

• Aðstoð við ritara úrskurðarnefndar um upplýsingamál

• Ritun úrskurðardraga og samskipti við málsaðila

• Umsýsla í kringum nefndina, birting úrskurða ofl.

• Aðstoð við almenn lögfræðileg málefni er varða verksvið skrifstofunnar og ráðuneytisins

• Önnur verkefni samkvæmt ákvörðun skrifstofustjóra

• Æskilegt er að laganemi hafi lokið námskeiðunum stjórnsýsluréttur I og II

• Hæfni í að greina og leysa úr lögfræðilegum álitamálum

• Starfsreynsla úr opinberri stjórnsýslu er kostur

• Gott vald á íslensku í ræðu og riti

• Framúrskarandi samskiptahæfni, sveigjanleiki og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Um er að ræða sumarstarf í áhugaverðu og krefjandi starfsumhverfi þar sem reynir á framúrskarandi samskiptahæfni, öguð vinnubrögð og sjálfstæði í starfi. Ráðuneytið hvetur fólk af öllum kynjum til að sækja um.

Umsækjendur eru beðnir um að sækja um starfið í gegnum Starfatorg. Með umsókn skal fylgja starfsferilskrá og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfnikröfur. Öllum umsóknum verður svarað þegar ákvörðun um ráðningu liggur fyrir. Tekið er fram að umsóknir geta gilt í 6 mánuði, sbr. reglur nr. 1000/2019 um auglýsingar lausra starfa.