Teymisstjóri í teymi íþróttafræðinga í geðþjónustu

Laus er til umsóknar staða teymisstjóra íþróttafræðinga í geðþjónustu Landspítala.

Leitað er að kraftmiklum íþróttafræðingi með góða samskiptafærni sem hefur áhuga á að taka þátt í að efla og þróa þjónustu íþróttafræðinga innan geðþjónustu. Viðkomandi mun hafa faglega forystu með störfum íþróttafræðinga í þjónustunni, taka virkan þátt í uppbyggingu á heilsueflandi þjónustu og efla notendamiðaða nálgun í nánu samstarfi við starfsfólk Batamiðstöðvar/ Virkniseturs, stjórnendur og næsta yfirmann.

Teymisstjóri vinnur þétt með verkefnastjóra og öðru starfsfólki Batamiðstöðvar/ Virkniseturs að uppbyggingu virkni og hreyfingar innan geðþjónustu. Teymisstjóri hefur aðsetur í Batamiðstöð/Virknisetri en vinnur þvert á einingar geðþjónustunnar. Batamiðstöð/ Virknisetur er staðsett bæði við Hringbraut og á Kleppi. Þar er boðið upp á virkniúrræði og leiðir til að auka almenna vellíðan og lífsgæði fyrir notendur geðþjónustu. Til stendur að auka áherslu á heilbrigðan lífsstíl enn frekar fyrir notendur á legudeildum.

Starfshlutfall er 100% og veitist starfið frá 1. apríl 2026 eða eftir nánara samkomulagi. Næsti yfirmaður er forstöðuhjúkrunarfræðingur kjarna 1 í Geðþjónustu.

• Yfirsýn yfir starfsemi og þjónustu íþróttafræðinga í geðþjónustu og forgangsröðun verkefna þvert á einingar

• Þróa og efla hlutverk og þjónustu íþróttafræðinga í geðþjónustu Landspítala þvert á einingar

• Samhæfa og samþætta störf íþróttafræðinga

• Þátttaka í umbóta-, gæða- og vísindastarfi

• Stuðlar að liðsheild og menningu sálræns öryggis

• Háskólamenntun á sviði íþróttafræða

• Reynsla af starfi í geðþjónustu Landspítala er kostur

• Leiðtogahæfni og frumkvæði

• Mjög góð samskiptahæfni, skipulagsfærni og áreiðanleiki

• Góð íslensku- og enskukunnátta er skilyrði

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, íþróttafræðingur, teymisvinna,

Tungumálahæfni: íslenska 4/5, enska 4/5

Staðsetning: Hringbraut, 101 Reykjavík