Sumarstörf 2026 í Geðþjónustu - viltu vera á skrá?

Viltu starfa sumarið 2026 hjá geðþjónustu Landspítala sem ráðgjafi/ stuðningsfulltrúi í afleysingum? Hér geturðu skráð inn umsókn. Ráðgjafar/ stuðningsfulltrúar sinna krefjandi störfum við líkamlega og andlega umönnun sjúklinga, m.a. við félagslega þjálfun og eftirfylgd með líðan og virkni og framfylgja meðferðaráætlunum.

Í boði eru fjölbreytt störf á eftirfarandi starfseiningum geðþjónustu:

• Bráðalegudeild geð- og fíknisjúkdóma (Hringbraut)

• Bráðalegudeild lyndisraskana (Hringbraut)

• Geðgjörgæsla (Hringbraut)

• Réttar- og öryggisgeðþjónusta (Kleppur)

• Laugarásinn meðferðargeðdeild (Laugarás)

• Legudeild geðrofssjúkdóma (Hringbraut)

• Legudeild lyndisraskana (Kleppur)

• Útkallsteymi yfirsetu (ýmsar deildir Landspítala)

Vinsamlega skráið deildir sem þið helst viljið starfa á í reitinn "annað" neðst á umsóknareyðublaðinu. Mikilvægt er að umsókn sé vel fyllt út og fylgigögn sem óskað er eftir séu hengd með. Unnið verður úr umsóknum jafnóðum og þær berast. Áhugasamir eru hvattir til að sækja um sem fyrst.

Landspítali er suðupunktur þekkingar, þróunar og þverfaglegrar samvinnu. Lögð er áhersla á fagmennsku, framþróun og stöðugar umbætur. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

• Samskipti, hvatning, leiðbeining og víðtækur stuðningur

• Hvetja sjúklinga til að taka þátt í daglegri virkni, framfylgja meðferðaráætlunum

• Virk þátttaka í þverfaglegri teymisvinnu

• Stuðla að öryggi sjúklinga og samstarfsfólks með virkri þátttöku í varnarteymi geðþjónustu

• Umsjón með ýmsum störfum sem snúa að daglegum rekstri deilda

• Starfar af heilindum og stuðlar að góðum samstarfsanda

• Áhugi á að starfa með einstaklingum með geðraskanir

• Nám sem nýtist í starfi er kostur

• Reynsla af umönnunarstörfum er kostur

• Mjög góð samstarfshæfni og færni í samskiptum

• Jákvætt hugarfar, seigla, metnaður, frumkvæði og skapandi hugsun

• Stundvísi og reglusemi

• Góð almenn tölvukunnátta

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Með umsókn skal fylgja

• Starfsferilskrá þar sem nám og fyrri starfsreynsla er tilgreind.

• Ef við á stúdentspróf, önnur prófskírteini og/eða staðfesting á hversu mörgum ECTS einingum er lokið í háskóla.

Fylgiskjöl skulu vera á pdf formi

Stjórnendur hafa samband við þá umsækjendur sem þeir hafa hug á að bjóða í viðtal.

Forsenda ráðningar sem háskólanemi hjá Landspítala er að viðkomandi skili staðfestum gögnum um námsframvindu um leið og þau liggja fyrir að loknu vormisseri.

Tekið er mið af jafnréttisstefnu Landspítala við ráðningar á spítalanum.

Athugið að sækja þarf sérstaklega um ótímabundin störf sem auglýst eru á starfatorgi Landspítala.

Starfsmerkingar: Heilbrigðisþjónusta, ráðgjafi/stuðningsfulltrúi

Tungumálahæfni: íslenska 4/5 enska 3/5