Sérfræðingur í samgöngutengdum fjármögnunarverkefnum

Fjármála- og efnahagsráðuneytið leitar að öflugum sérfræðingi til að sinna verkefnum á sviði samgöngugjalda, sérstaklega veggjalda, flýti- og umferðagjalda og samspili þeirra við aðra gjaldtöku af umferð sem er fyrir, s.s. kílómetragjald. Verkefnið er unnið í sameiginlegri verkefnastofu forsætisráðuneytis, fjármála- og efnahagsráðuneytis og innviðaráðuneytis. Verkefnið felur m.a. í sér að móta heildstæða framtíðarsýn um breytt fyrirkomulag gjaldtöku af ökutækjum og afnotum af vegakerfinu, m.a. á höfuðborgarsvæðinu. Þá styður verkefnastofan við stofnun innviðafélags sem flýta á stærri samgönguframkvæmdum og tryggja fyrirsjáanleika í fjármögnun þeirra til lengri tíma.

• Þátttaka í innleiðingu og eftirfylgni kílómetragjalds

• Stuðningur við stýrihóp ráðuneyta um stofnun innviðafélags

• Skoða mismunandi leiðir til tekjuöflunar af umferð

• Mat á tæknilegum lausnum og útfærslum

• Greiningar- og sviðsmyndavinna sem getur orðið frekari grundvöllur fyrir heildstætt, hagkvæmt og samræmt gjaldtökukerfi á landsvísu

• Frumkvæði, drifkraftur og metnaður.

• Háskólapróf sem nýtist í starfi.

• Þekking og reynsla af stefnumótun.

• Greiningarhæfni og lagni við gerð kynninga um flókin mál með myndum og texta.

• Lausnamiðuð og sjálfstæð vinnubrögð.

• Framúrskarandi samskiptahæfileikar.

• Góð hæfni í að tjá sig í ræðu og riti.

• Reynsla af áhrifamati og greiningum er kostur.

• Reynsla af verkefnastjórnun er kostur.

• Þekking og reynsla af opinberri stjórnsýslu er kostur.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Starfið er tímabundið til eins árs með möguleika á framlengingu og gert er ráð fyrir að viðkomandi hefji störf sem fyrst. Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. Starfstöð verkefnastofu er hjá fjármála- og efnahagsráðuneytinu.

Með umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.