Deildarstjóri móttökuritara og heilbrigðisgagnafræðinga

Heilbrigðisstofnun Suðurnesja óskar eftir að ráða starfsmann í stöðu deildarstjóra móttökuritara og heilbrigðisgagnafræðinga. Leitað er eftir áhugasömum einstaklingi með frumkvæði, faglegan metnað og jákvætt hugarfar til að taka þátt í uppbyggingu stofnunarinnar.

Heilbrigðisstofnun Suðurnesja veitir íbúum Suðurnesja fyrsta- og annars stigs heilbrigðisþjónustu. Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Mikil uppbygging er á HSS, endurskoðun á þjónustuferlum og stefnu stofnunarinnar byggðri á Heilbrigðisstefnu til ársins 2030.

Deildarstjóri ber faglega ábyrgð á deild móttökuritara og heilbrigðisgagnafræðinga á Heilbrigðisstofnun Suðurnesja. Hann ber faglega-, fjárhagslega- og mannauðsábyrgð á deildinni.

• Starfar í samræmi við ábyrgðarsvið stjórnenda á HSS

• Ber faglega ábyrgð á þjónustu, skipulagi og þróun deildar

• Ber ábyrgð á mannauðsmálum deildar

• Stuðlar að öflugri samvinnu innan og utan deildarinnar

• Ber ábyrgð á að rekstrarkostnaði deildarinnar sé innan heimilda

• Sinnir fræðslu til nemenda og samstarfsfólks

• Skipuleggur og tekur þátt í þverfaglegu samstarfi innan og utan stofnunar

• Menntun sem nýtist í starfi

• Háskólamenntun sem nýtist í starfi er kostur

• Reynsla af stjórnun sem nýtist í starfi er kostur

• Reynsla af skipulagningu vaktavinnu og tímaskráningarkerfi er kostur

• Reynsla og þekking af gæðastarfi er kostur

• Þekking á mannauðsmálum er kostur

• Framúrskarandi hæfni í mannlegum samskiptum og jákvætt viðhorf

• Frumkvæði og sjálfstæði í vinnubrögðum

• Skipulagshæfileikar og geta til að hafa yfirsýn og umsjón með verkefnum

• Góð íslensku- og enskukunnátta í mæltu og rituðu máli

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá, afrit af prófskírteinum og starfsleyfi ásamt kynningarbréfi þar sem fram kemur rökstuðningur fyrir hæfni og sýn á starfið. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Tekið er mið af jafnréttisstefnu HSS við ráðningar á stofnunina. Öllum umsóknum verður svarað. æskilegt er að viðkomandi geti hafið störf sem fyrst, eða eftir samkomulagi.