Sumarstörf 2026 á fæðingadeild - Ljósmæður/ljósmæðranemar/hjúkrunarfræðinemar

Langar þig að nýta þekkingu þína og hæfileika og vinna í hvetjandi og lærdómsríku umhverfi?

Sjúkrahúsið á Akureyri (SAk) óskar eftir ljósmæðrum/ljósmæðranemum í sumarafleysingu á fæðingadeild. Um er að ræða vaktavinnu í fjölbreyttu starfsumhverfi. Frábært tækifæri til að öðlast reynslu og þróa faglega hæfni þar sem áhersla er lögð á lærdóm, fagmennsku og mannlega nálgun.

Hvað gerir starfið spennandi:

• Reynsla sem skiptir máli

• Tækifæri til að læra í hvetjandi vinnuumhverfi

• Teymisvinna

• Fagleg þróun

• Vaktavinna

• Góð aðlögun með reyndum hjúkrunarfræðingum

Ef þú hefur áhuga á að taka þátt í okkar frábæra teymi og fá verðmæta reynslu, þá er þetta sumarstarf fyrir þig!

Áhugasamir eru hvattir til að sækja um sem fyrst. Unnið verður úr umsóknum jafnóðum og þær berast.

Í starfinu felst ábyrgð á öllum almennum verkefnum ljósmæðra samkvæmt lögum og reglugerðum. Einnig að unnið sé samkvæmt markmiðum deildarinnar og stofnunarinnar.

• Ljósmóðir skal hafa fullgilt próf og íslenskt starfsleyfi, annað gildir um nema (gildir ekki ef nemi)

• Lögð er áhersla á frumkvæði, sjálfstæð vinnubrögð og hæfileika í samskiptum og samvinnu.

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.